Jain Dharmno Maulik Itihas Part 01 Tirthankar Khand

Author(s): Hastimal Maharaj
Publisher: Samyag Gyan Pracharak Mandal

Page 225

ક્યારેય પરિવ્રજિત નથી થતા. માટે તું નકામી ચિંતા કર મા. હા, હવે પછીના આગામી ઉત્સર્પિણી કાળમાં આ ભરત ક્ષેત્રમાં તું પણ મારી જેમ બારમો તીર્થકર બનશે અને બળરામ પણ તારા એ તીર્થકર કાળમાં સિદ્ધ, બુદ્ધ અને મુક્ત થશે.” પ્રભુનું આ કથન સાંભળી કૃષ્ણ ઘણા ખુશ થયા.
એમણે દ્વારિકા જઈને લોકોને જણાવ્યું કે - “દ્વારિકાનો અંત ચોક્કસ નક્કી જ છે, માટે જે પણ ઇચ્છે, સ્વેચ્છાએ પ્રભુચરણોમાં જઈ પ્રવ્રજ્યા ધારણ કરી શકે છે. એમણે એમના પરિવાર તેમજ આશ્રિતો માટે જરૂર ચિંતા કરવાની જરૂર નથી. એમની વ્યવસ્થા રાજ્ય દ્વારા કરવામાં આવશે.” શ્રીકૃષ્ણની આ ઉદારતાપૂર્ણ ઘોષણાથી ઘણી મોટી સંખ્યામાં લોકોએ પ્રવ્રજ્યા લીધી અને આત્મકલ્યાણની રાહ સ્વીકારી. મનુષ્ય સંપ્રદાય અને જિનશાસનની પોતાની આ અત્યંત ઉમદા સેવા-ભાવનાને પરિણામરૂપે કૃષ્ણએ તીર્થકર નામકર્મનું ઉપાર્જન કર્યું.
દ્વારિકા-દાહની વાત સાંભળી બળરામના ભાઈ અને સારથી સિદ્ધાર્થે પ્રભુ પાસે દીક્ષા લીધી. મુનિ-ધર્મ અંગીકાર કર્યા પછી છ મહિનાની ઘોર તપસ્યા વડે સિદ્ધાર્થનો જીવ આયુષ્યકાળ પૂરો કરી દેવ થયો.
આ તરફ દ્વારિકામાં ઘોષણા કરી દેવામાં આવી કે - “કારિકાવાસીઓ સુરાપાન (મદ્યપાન)થી દૂર રહે.” ભવિષ્યમાં સુરા જ દ્વારિકાના નાશનું કારણ બનશે, માટે ત્યાં ઉપલબ્ધ બધી મદિરા અને મદિરાપાત્રોને કદંબ વનના પર્વતોમાં કાદંબરી ગુફાના પથ્થરો પર ફેંકાવી દીધી.
શામ્બકુમારનો એક સેવક એક વખત કોઈક કારણસર કાદંબરી. ગુફાની તરફ ગયો અને ખૂબ તરસ લાગતા તે કાદંબરી શિલાની પાસેના કુંડમાંથી પાણી પીવા લાગ્યો. પાણીનાં થોડાં ટીપાં ચાખતાં જ તે જાણી ગયો કે આ પાણી નથી, પરંતુ નશીલી મદિરા (દારૂ) છે. શામ્બના સેવકે પોતે તો મદિરા પીધી, પણ સાથે જ એક પાત્રમાં એના સ્વામી માટે પણ લેતો આવ્યો. શાખે એ મદિરા પીધી તો તેને ઘણું આશ્ચર્ય થયું કે આવી સ્વાદિષ્ટ મદિરા સેવકને ક્યાંથી મળી? સેવક પાસે આખી વાત જાણી તે એના કેટલાક મિત્રો સાથે એ ગુફા પાસે પહોંચ્યો અને આવેલા બધા જ મદ્યપાન કરવામાં મશગૂલ બન્યા.
જે મદિરા ત્યાં ફેંકી દેવામાં આવી હતી, તે નીચે શિલાકુંડોમાં એકઠી થઈ ગઈ હતી અને ત્યાં ફૂલોના ખરી પડવાથી એ જળ સ્વાદિષ્ટ મદિરા બની ગયું હતું. યાદવકુમાર મદ્યપાનના પ્રભાવથી. ઉન્મત્ત થવા લાગ્યા [ ૨૨૦ 969696969696969696969696969696963 જૈન ધર્મનો મૌલિક ઇતિહાસ,