Book Title: Jain Dharmno Maulik Itihas Part 01 Tirthankar Khand
Author(s): Hastimal Maharaj
Publisher: Samyag Gyan Pracharak Mandal
View full book text
________________
છઠ્ઠા વર્ગમાં વર્ણવેલ વ્યન્તર જાતિના ૩૨ ઉત્તરેન્દ્રોની દેવીઓ એમના પૂર્વજન્મમાં સાકેતપુરના ગાથાપતિ દંપતીઓની પુત્રીઓ હતી. એમણે પણ ભગવાન પાર્શ્વનાથના ઉપદેશોથી પ્રભાવિત થઈ આર્યા સુવ્રતા પાસે પ્રવજ્યા ધારણ કરી. અનેક વર્ષો સુધી સંયમ અને તપની સાધના કરી, પણ શિથિલ આચરણને લીધે સ્વતંત્ર વિહારિણી બની. વગર આલોચના કર્યે સંલેખનાપૂર્વક જીવનકાળ સમાપ્ત કરી મહાકાળ આદિ ૩૨ ઉત્તરેન્દ્રોની અગ્ર મહારાણીઓ બની.
સાતમા વર્ગમાં વર્ણવેલી સૂર્યની ચાર મહારાણીઓ એમના પૂર્વભવમાં અરખપુરીમાં ગાથાપતિ દંપતીઓની પુત્રીઓ હતી. આઠમા વર્ગમાં વર્ણવેલ ચંદ્રની ૪ અગ્રમહિષીઓ એમના પૂર્વભવમાં મથુરાના ગાથાપતિ દંપતીની પુત્રીઓ હતી. નવમા વર્ગમાં જણાવેલી સૌધર્મેન્દ્રની આઠ અગ્ર પટરાણીઓ શ્રાવસ્તી, હસ્તિનાપુર, કમ્પિલપુર અને સાકેતપુર નિવાસી ગાથાપતિ દંપતીઓની પુત્રીઓ હતી. દશમા વર્ગમાં વર્ણાવાયેલ ઈશાનેન્દ્રની આઠ અગ્રમહિષીઓ વારાણસી, રાજગૃહ, શ્રાવસ્તી તેમજ કૌશાંબીના ગાથાપતિ દંપતીઓની પુત્રીઓ હતી. આ પ્રમાણે બીજા વર્ગથી દસમા વર્ગ સુધીમાં વર્ણવેલ બધી ૨૦૧ દેવીઓ પોત-પોતાના પૂર્વભવમાં આજીવન કુંવારી રહી. જરાજીર્ણ વૃદ્ધાવસ્થામાં આ બધી વૃદ્ધ કુંવરીઓએ ભગવાન પાર્શ્વનાથના ઉપદેશોથી પ્રભાવિત થઈ શ્રમણીધર્મ સ્વીકાર્યો. અગિયાર અંગોની જ્ઞાતા થઈ અનેક જાતની તપસ્યાઓ કરી, પણ કાલાન્તરમાં શિથિલાચરણને લીધે સાધ્વીસંઘથી અલગ થઈ સ્વતંત્ર વિહારિણી બની અને અંતે સંખનાપૂર્વક આયુષ્ય પૂરું કરી ઇન્દ્રો, સૂર્ય, ચંદ્રની રાણીઓ બની.
(ભગવાન પાર્શ્વનાથનો અમિટ પ્રભાવ) વીતરાગતા અને સર્વજ્ઞતા આદિ આત્મિક ગુણોની બધા તીર્થકરોમાં સમાનતા હોવા છતાં પણ શક્ય છે, પાર્શ્વનાથમાં કોઈ વિશેષતા રહી હોય, જેનાથી તેઓ વધુ ને વધુ લોકપ્રિય થયા. જૈન સાહિત્યમાંથી મળેલ સ્તુતિઓ, સ્તોત્રો અને મંત્રોથી માલુમ પડે છે કે - “વર્તમાન ચોવીસીમાં ભગવાન પાર્શ્વનાથના સંબંધમાં સૌથી વધુ સ્તુતિઓ, મંત્ર આદિ પ્રાપ્ત થાય છે.” ભગવાન પાર્શ્વનાથની ભક્તિ અને મહિમાથી ઓતપ્રોત અનેક વિદ્વાનો તેમજ મહાત્માઓ વડે રચાયેલ કેટલાંયે કાવ્ય, મહાકાવ્ય, સ્તોત્રો અને જીવનચરિત્ર તેમજ દેશના વિભિન્ન ભાગોમાંથી જૈન ધર્મનો મૌલિક ઇતિહાસ 9696969696969696969696969696969 ૨૮૧]
