Book Title: Jain Dharmno Maulik Itihas Part 01 Tirthankar Khand
Author(s): Hastimal Maharaj
Publisher: Samyag Gyan Pracharak Mandal
View full book text
________________
હોય, (૭) પગમાં બેડી હોય, (૮) મુંડિત હોય, (૯) આંખોમાં આંસુ હોય, (૧૦) તેલે(અમ)ની તપસ્યા કરેલી હોય. આ રીતની વ્યક્તિના હાથથી જો ભિક્ષા મળે તો જ સ્વીકાર કરીશ, નહિ તો નહિ.
ઉપરોક્ત પ્રતિજ્ઞા સાથે મહાવી૨ દ૨૨ોજ ભિક્ષા માટે જતા, લોકો ખૂબ જ આશા અને ઉત્કંઠા સાથે ભિક્ષા લઈને આવતા, પણ અભિગ્રહને લીધે મહાવીર કાંઈ પણ કીધા વગર - લીધા વગર પાછા ફરી જતા. આ રીતે ચાર મહિનાનો સમય વીતી ગયો, પણ અભિગ્રહ પૂરો ન થવાને લીધે ભિક્ષા લેવાનો સંજોગ ન બન્યો. આખા નગરમાં આની પર આશ્ચર્ય પ્રગટ કરવામાં આવવા લાગ્યો. એક દિવસ ભગવાન કૌશાંબીના અમાત્ય સુગુપ્તના ઘેર પધાર્યા. અમાત્યની પત્ની નંદા જે શ્રદ્ધાળુ ઉપાસિકા હતી, ખૂબ શ્રદ્ધાથી ભિક્ષા આપવા લાગી, પણ મહાવીર કાંઈ પણ લીધા વગર જ પાછા ફરી ગયા, તો નંદા ખૂબ જ દુ:ખી થઈ.
ન
ભગવાનને અભિગ્રહ ધારણ કર્યે પાંચ મહિના પચીસ દિવસ થઈ ગયા હતા. સંજોગોવશાત્ એક દિવસ પ્રભુ ભિક્ષા માટે ધન્ના શ્રેષ્ઠીના ત્યાં ગયા. ત્યાં રાજકુમારી ચંદના ત્રણ દિવસથી ભૂખી-તરસી, સૂપડામાં અડદના બાકળા લઈને પોતાના ધર્મપિતાના આવ્રવાની રાહ જોઈ રહી હતી. શેઠાણી મૂલાએ તેના માથાને મુંડન કરીને હાથમાં હથકડી અને પગમાં બેડીઓ પહેરાવીને ભોંયરામાં બંધ કરી રાખી હતી. ભગવાનને આવેલા જોઈ તે ખુશ થઈ ગઈ. તેનું હૃદય-કમળ ખીલી ઊઠ્યું, પણ ભગવાન અભિગ્રહમાં કાંઈક કમી જોઈને પાછા ફરવા લાગ્યા, તો ચંદનાની આંખોમાંથી આંસુ વહેવાં લાગ્યાં. ભગવાનનો અભિગ્રહ પૂરો થયો. તેમણે રાજકુમારી ચંદનાના હાથે ભિક્ષા ગ્રહણ કરી. ચંદનાની હથકડીઓ-બેડીઓ બધું ઘરેણાંઓમાં બદલાઈ ગઈ. આકાશમાં દેવદુંદુભિ વાગી અને પંચદિવ્ય પ્રગટ થયાં. ચંદનાનું ચિંતાતુર ચિત્ત અને મલિન મુખ ચંદ્રની જેમ ચમકી ગયું. પાંચ મહિના પચીસ દિવસ બાદ ભગવાનના પારણા થયા.
કૌશાંબીથી વિહાર કરીને પ્રભુ સુમંગલ, સુછેત્તા, પાલક પ્રભૃતિ ગામોમાં થતાં થતાં ચંપા નગરી પધાર્યા અને ચાતુર્માસિક તપ કરીને તેમણે ત્યાં જ સ્વાતિદત્ત બ્રાહ્મણની યજ્ઞશાળામાં બારમો ચાતુર્માસ પૂરો કર્યો. ભગવાનની સાધનાથી પ્રભાવિત થઈને પૂર્ણભદ્ર અને મણિભદ્ર નામના બે યક્ષ રાત્રે પ્રભુની સેવામાં આવતા હતા. આ જોઈ સ્વાતિદત્તે ઊઊઊઊઊઊઊ જૈન ધર્મનો મૌલિક ઇતિહાસ
૩૨૬ |૩૩૩
