Book Title: Jain Dharmno Maulik Itihas Part 01 Tirthankar Khand
Author(s): Hastimal Maharaj
Publisher: Samyag Gyan Pracharak Mandal
View full book text
________________
સંતોષપૂર્વક વર્ણન સાંભળીને પોતાના પાંચસો વિદ્યાર્થીઓ સાથે દીક્ષા ગ્રહણ કરી. તેઓ પાંચમા ગણધર અને પછી ભગવાનના ઉત્તરાધિકારી આચાર્ય થયા. તેમણે વીર નિર્વાણના ૨૦ વરસ બાદ સુધી ધર્મસંઘનું સંચાલન કર્યું અને ૧૦૦ વરસની ઉંમર પૂરી કરી રાજગૃહમાં મોક્ષ પ્રાપ્ત કર્યો. પોતાના જીવનકાળમાં તેઓ ૫૦ વરસ ગૃહસ્થ રૂપે, ૪ર વરસ છ સ્થપર્યાયમાં અને ૮ વરસ કેવળી રૂપે રહ્યા. મંડિત : મંડિત ભગવાન મહાવીરના ધર્મપરિવારના છઠ્ઠા ગણધર હતા. તેઓ વિશિષ્ટ ગોત્રના બ્રાહ્મણ હતા અને મૌર્ય સન્નિવેશના નિવાસી હતા. તેમના પિતાનું નામ ધનદેવ અને માતાનું નામ વિજયાદેવી હતું. આત્માના સંસાર સાથેના સંબંધ સંદર્ભે શંકાનું સમાધાન થવાથી પ્રભાવિત થઈને તેમણે પોતાના ત્રણસો પચાસ વિદ્યાર્થીઓ સાથે દીક્ષા ગ્રહણ કરી. તે વખતે તેઓ ૫૩ વરસના હતા. ૧૪ વરસ સુધી છદ્મસ્થ-સાધના કરીને તેમણે ૬૭ વરસની ઉંમરમાં કેવળજ્ઞાન પ્રાપ્ત કર્યું. ૧૬ વરસ કેવળીપર્યાયમાં રહીને ભગવાનની સામે જ ૮૩ વરસની ઉંમરમાં ગુણશીલ ચૈત્યમાં અનશનપૂર્વક મુક્તિ પ્રાપ્ત કરી. મૌર્યપુત્ર : મૌર્ય સન્નિવેશના કાશ્યપ ગોત્રના બ્રાહ્મણ મૌર્યપુત્ર ભગવાનના સાતમા ગણધર હતા. તેમના પિતાનું નામ મૌર્ય અને માતાનું નામ વિજયાદેવી હતું. દેવ અને દેવલોક વિશેની શંકાનું યોગ્ય સમાધાન મેળવીને મૌર્યપુત્રો પોતાના ત્રણસો પચાસ વિદ્યાર્થીઓ સાથે ભગવાન પાસેથી શ્રમણધર્મ સ્વીકાર કર્યો. ૧૪ વરસ, છદ્મસ્થ હાલતમાં રહીને તેમણે ૭૯ વરસની ઉંમરમાં કેવળજ્ઞાન પ્રાપ્ત કર્યું. પછી ૧૬ વરસ સુધી કેવળીપર્યાયમાં વિચરણ કરીને તેમણે ભગવાનના જીવનકાળનાં જ ૯૫ વરસની . ઉંમરમાં ગુણશીલ ચૈત્યમાં અનશનપૂર્વક નિર્વાણ પ્રાપ્ત કર્યું.
અલંપિત : મિથિલા નિવાસી, ગૌતમ ગોત્રના બ્રાહ્મણ અકંપિત આઠમાં ગણધર હતા. તેમની માતાનું નામ જયંતી અને પિતાનું નામ દેવ હતું. ભગવાને નરક અને નરકના જીવન વિશે તેમની શંકાનું સમાધાન કર્યું, અને તેમણે પોતાના ત્રણસો શિષ્યો સાથે શ્રમણદીક્ષા ગ્રહણ કરી. તે વખતે અકંપિત ૪૮ વરસના હતા. ૯ વરસ સુધી છવસ્થ હાલતમાં વિચરણ કરીને તેમણે પ૭ વરસની
ઉંમરમાં કેવળજ્ઞાન પ્રાપ્ત કર્યું. ૨૧ વરસ કેવળીપર્યાયમાં રહીને | જૈન ધર્મનો મૌલિક ઇતિહાસ 9696969696969696969696969696999 ૩૦૩]
