Jain Dharmno Maulik Itihas Part 01 Tirthankar Khand

Author(s): Hastimal Maharaj
Publisher: Samyag Gyan Pracharak Mandal

Page 371

રહેશે. છેવટના સમયમાં જ્યારે તેઓ સંઘમાં કહેશે કે - “હવે ધર્મ નથી રહ્યો' તો સંઘ તેમને સંઘમાંથી હાંકી કાઢશે. તેઓ. બાર વરસ સુધી ગૃહસ્થપર્યાયમાં રહેશે અને આઠ વરસ સુધી મુનિધર્મનું પાલન કરી તેલા (અટ્ટમ) સાથે આયુષ્ય પૂરુ કરી સૌધર્મ કલ્પમાં દેવરૂપે પેદા થશે. પાંચમા આરકના છેલ્લા દિવસે ગણધર્મ, ચારિત્રધર્મ, રાજધર્મ અને અગ્નિનો ભરત ક્ષેત્ર ભૂમિ પરથી બધી જ રીતે નાશ થઈ જશે.
પાંચમો આરક પૂરો થયા બાદ દુષમા-દુષમ” નામનો છઠ્ઠો આરક શરૂ થશે. તેનો ગાળો પણ ૨૧ હજાર વરસનો છે, અને આ કાળમાં પડતી તેની પરાકાષ્ઠાએ પહોંચી જશે. દસે દિશાઓ હાહાકાર, હાયવોય અને કોલાહલથી વ્યાપ્ત હશે. હંમેશાં ભયંકર આંધીઓ અને બધું જ ઉડાવી દેવાવાળી જોરદાર હવા ચાલતી રહેશે. આ હવાઓને લીધે સમગ્ર વાતાવરણ ધૂંધળું, ધૂળિયું ને અંધકારમય રહેશે. સમયના પ્રભાવથી સૂર્યની ગરમી અને ચંદ્રની શીતળતામાં અકલ્પનીય વૃદ્ધિ થશે. વાદળો ટાણેકટાણે જોરદાર વરસાદ કરશે અને ઊંચા પર્વતોને છોડીને બાકી ધરતી ધીમે-ધીમે સરખી થઈ જશે. આખી પૃથ્વી તાપના લીધે આગની જ્વાળાઓની જેમ બળતી રહેશે. લોકોનું કામ કરવું તો ઠીક, હરવું-ફરવું પણ મુશ્કેલ થઈ જશે. આ આરામાં માનવશરીર બસ એક હાથ જેટલું હશે અને આયુષ્ય ૧૬ થી ૨૦ વરસનું હશે. કુટુંબમાં પુત્ર-પુત્રીઓની સંખ્યા ઘણી હશે અને લોકોમાં પોતાનાં કુટુંબ સિવાય બીજા કોઈ પ્રત્યે પ્રેમ કે સ્નેહ નહિ રહે. લોકો રાત-દિવસ પોતીકાઓની ચિંતામાં મગ્ન રહેશે. લોકો અત્યંત કદરૂપા, કર્કશ, બેશરમ, ક્લેશ ને કુકર્મમાં લીન, અમર્યાદિત, અવિનયી, જુદા-જુદા રોગોથી પીડાતા, તેજ વગરના, માયામોહ વગેરે દુર્ગુણોથી ગ્રસ્ત અને વ્યસની હશે. વિકલાંગ પણ વધુ પ્રમાણમાં જોવા મળશે. ગંગા અને સિંધુ નદીની પહોળાઈ અને ઊંડાઈ ખૂબ ઓછી થઈ જશે. પાણી ઓછું અને માછલીઓ તથા કાચબાઓનું પ્રમાણ વધુ હશે, જેને ભોજનરૂપે ગ્રહણ કરવામાં આવશે. લોકો મર્યા પછી લગભગ નરક અને તિર્યંચ યોનિમાં પેદા થશે.
(ઉત્સર્પિણી કાળ) આ અવસર્પિણી કાળના દુષમા-દુષમ નામનો છઠ્ઠો આરક પૂરો થવાથી ઉત્કર્ષોન્મુખ ઉત્સર્પિણી કાળ શરૂ થશે. ઉત્સર્પિણી કાળમાં પણ અવસર્પિણી કાળની જેમ છ આરક હશે - ઊંધા ક્રમથી એટલે કે પહેલો આરો દુષમાદુષમ હશે અને છેલ્લો એટલે છઠ્ઠો આરો “સુષમા-સુષમ હશે. ઉત્સર્પિણી ૩૬૦ દદદરૂ969696969696969696969696969 જેન ધર્મનો મૌલિક ઇતિહાસ |