Book Title: Jain Dharmno Maulik Itihas Part 01 Tirthankar Khand
Author(s): Hastimal Maharaj
Publisher: Samyag Gyan Pracharak Mandal
View full book text
________________
ભિક્ષા માટે ગયા. ત્યાં તેમને “દહીં-ભાત' મળ્યા. ગોશાલક ઉપનંદપાટકમાં ઉપનંદને ત્યાં ગયો. ત્યાં દાસીએ તેને વાસી ભાત વહોરાવ્યા, જેનો ગોશાલકે અસ્વીકાર કર્યો. આથી ઉપનંદે દાસીને કહ્યું: જો તે ભિક્ષા ન લે તો તેના માથા પર ફેંકી દેજો.” દાસીએ તેવું જ કર્યું, જેથી ગોશાલક ખૂબ જ નારાજ થયો ને ઘરના લોકોને શાપ આપીને પાછો ફર્યો. “આવશ્યકચૂર્ણિ' મુજબ ગોશાલકે શાપ આપ્યો હતો કે - “ઉપનંદના ઘરમાં આગ લાગી જાય.” તપના મહિમાને સાચી સાબિત કરવા માટે પાસેના વ્યન્તર દેવોએ ઉપનંદનું ઘર સળગાવ્યું અને ગોશાલકના શાપને સાચો સાબિત કર્યો.
બ્રાહ્મણ ગામથી વિહાર કરીને ભગવાન ચંપા પધાર્યા અને ત્યાં જ ત્રીજો વર્ષાકાળ પૂરો કર્યો. તે વખતે બે-બે મહિનાનું ઉત્કટ તપ ભગવાને કર્યું અને વિવિધ આસનો અને ધ્યાનયોગોની સાધના કરી. પ્રથમ બે મહિનાના તપના પારણા ચંપામાં અને બીજા બે મહિનાના તપના પારણા ચંપાથી બહાર કર્યા. .
( સાધનાનું ચોથું વરસ) અંગ દેશની ચંપા નગરીથી વિહાર કરીને ભગવાન કાલાય સન્નિવેશ પહોંચ્યા. ત્યાં એક સૂના ઘરમાં ભગવાન ધ્યાનમગ્ન થઈ જવાથી ગોશાલક દરવાજા પાસે બેસીને ત્યાં આવેલી એક દાસી સાથે હાસ્ય-મજાક કરવા લાગ્યો. દાસીએ ગામમાં જઈને ગામના મુખીને ફરિયાદ કરી અને મુખીના દીકરા પુરુષસિંહે ગોશાલકને માર્યો. કાલાયથી પ્રભુ પુસ્તકાલય ગયા. ત્યાં પણ ભગવાન તો શૂન્ય સ્થળે ધ્યાનમગ્ન થઈ ગયા, પરંતુ ગોશાલક અહીં-તહીં વાતો કરતો રહ્યો, જેથી લોકોના ગુસ્સાનો ભોગ બન્યો. પુસ્તકાલયથી તે લોકો કુમારક ગયા. ત્યાં ચંપક રમણીય બાગમાં ભગવાન ધ્યાનમગ્ન થયા. ત્યાં કૂપનાથની કુંભારશાળામાં પાર્શ્વનાથ પરંપરાના આચાર્ય મુનિચંદ્ર પોતાના શિષ્યો સાથે રોકાયા હતા. તેમણે પોતાના એક શિષ્યને સુખી બનાવીને પોતે જિનકલ્પ સ્વીકાર કરી રાખ્યો હતો.
ગોશાલક એકલો જ ભિક્ષા માટે ગયો, તો ત્યાં તેણે પાર્થ પરંપરાના સાધુઓને જોયા, જેમણે રંગબેરંગી કપડાં પહેર્યા હતાં. કુતૂહલવશ ગોશાલકે તેમને પૂછ્યું : “તમે લોકો કોણ છો ?” તેમણે કહ્યું : “અમે લોકો પાર્થ પરંપરાના શ્રમણ નિગ્રંથ છીએ.” એથી ગોશાલકે કહ્યું : “આશ્ચર્યની વાત છે, તમે લોકોએ આટલાં રંગબેરંગી કપડાં પહેર્યા છે. જૈન ધર્મનો મૌલિક ઇતિહાસ 96969696969696969696969696999 ૩૧૩]
