Book Title: Jain Dharmno Maulik Itihas Part 01 Tirthankar Khand
Author(s): Hastimal Maharaj
Publisher: Samyag Gyan Pracharak Mandal
View full book text
________________
પણ મુનિ શાંત ન થયા. નભમંડળને આગની જ્વાળાઓથી સળગતું જોઈ હું પણ ઘટનાસ્થળે ગયો અને મારા ભાઈને શાંત કર્યો.
સંભૂતિ મુનિને એમના કાર્ય પર અફસોસ થયો. પળવારમાં જ્વાળાઓ શાંત થઈ ગઈ. અમે બંને મુનિભ્રાતાઓ ઉદ્યાન તરફ જતા રહ્યા. બગીચામાં આવીને અમે વિચાર્યું કે - “આ નશ્વર - ક્ષણભંગુર શરીરના પોષણ માટે ભિક્ષા માંગવા માટે અમને જાત-જાતની મુસીબતો વેઠવી પડે છે. અમો સાધુઓને આહાર ને આ શરીર સાથે કેવી નિસબત ?' આમ વિચારી અમે બંનેએ સંલેખના કરી ચારેય જાતના આહારનો જીવનપર્યત પરિત્યાગ કર્યો..
ચક્રવર્તી સનતકુમારે જ્યારે આખી ઘટના જાણી, તો એમણે મુનિને કષ્ટ આપનારા અપરાધી નમુચિને દોરડા વડે બંધાવીને અમારી સામે હાજર કર્યો અને કહ્યું: “મુનિવર, આ તમારો અપરાધી છે, એને શું દડાં આપવામાં આવે?” અમે કહ્યું - “રાજનું! એને છોડી મૂકવામાં આવે" નમુચિને તરત જ છોડીને હસ્તિનાપુરથી તડીપાર કરવામાં આવ્યો.
એ જ સમયે સનત્કુમારની ચોસઠ હજાર (૬૪000) રાજ-રાણીઓની સાથે પટરાણી સુનંદા અમને વંદન કરવા આવી. મુનિ સંભૂતના પગમાં પગે પડતી વખતે સ્ત્રીરત્ન સુનંદાના સુવાસિત લાંબા કાળા વાળનો મનોહર સ્પર્શ મુનિ સંભૂતના પગોમાં થયો. વંદન-પૂજન પછી રાજપરિવાર રાજમહેલ તરફ જતો રહ્યો.
અમે બંને મુનિઓએ સમાધિ લઈ સાથે જ અમારું શેષ આયુષ્ય પૂર્ણ કરી સૌધર્મ કલ્પના નલિની ગુલ્મ(પા ગુલ્મ)નામના વિમાનમાં દેવ થયા. દેવનો સમયગાળો પૂરો કરી હું પુરિમતાલના વૈભવશાળી શ્રેષ્ઠી ગણપુંજની ભાર્યા નંદાના કૂખે ઉત્પન્ન થયો. તમામ સુખ-સુવિધા અને ભોગનાં સાધન હોવા છતાં પણ મારા મનમાં એમના પ્રત્યે કોઈ આકર્ષણ ન હતું, માટે એક મુનિ પાસે જઈ હું પ્રવ્રજિત થઈ ગયો. સંયમધર્મનું આચરણ કરતા રહીને હું વિવિધ ક્ષેત્રોમાં વિહાર કરતા કરતા આ ઉદ્યાનમાં આવ્યો. ધ્યાનસ્થ સ્થિતિમાં મેં માળીના મોઢે ગાથાની કેટલીક પંક્તિઓ સાંભળી, તો મને જાતિ-સ્મરણ જ્ઞાન થયું. આ છઠ્ઠા જન્મમાં અમે બંને ભાઈઓ વિખૂટા શા માટે પડ્યા, તે મને ખબર નથી.”
આમ સાંભળી બધાં જ સ્તબ્ધ થઈ ગયા. લોકો વારાફરતી બ્રહ્મદા અને મુનિને જોતાં રહ્યાં. ત્યારે બ્રહ્મદત્તે કહ્યું: “મહામુને ! આ જન્મમાં ૨૪૮ 9696969696969696969696969696963 જૈન ધર્મનો મૌલિક ઈતિહાસ
