Book Title: Jain Dharmno Maulik Itihas Part 01 Tirthankar Khand
Author(s): Hastimal Maharaj
Publisher: Samyag Gyan Pracharak Mandal
View full book text
________________
અગ્નિકુંડ સમાન દાહક પ્રતીત થવા લાગ્યો.” મને એ જ સમયે સંસારથી વિરક્તિ ઉત્પન્ન થઈ ગઈ. મેં એ જ ક્ષણે બધું જ છોડીને શ્રમણધર્મની દીક્ષા ગ્રહણ કરી લીધી, અને ત્યારથી શાશ્વત સુખદાયી પંચ-મહાવ્રતોનું પાલન કરી રહ્યો છું.”
આચાર્યશ્રી અરિદમનનાં પ્રવચનો સાંભળી રાજા વિમલવાહને પણ પોતાના પુત્રને રાજ્યભાર સોંપી શ્રમણધર્મ સ્વીકાર કરી લીધો. મુનિ બન્યા પછી વિમલવાહને ગુરુની સેવામાં રહીને તપશ્ચરણની સાથે-સાથે આગમોનું અધ્યયન કર્યું. સુદીર્ઘકાળ સુધી પાંચ સમિતિ, ત્રણ ગુપ્તિની વિશુદ્ધ સાધનાની અને અનંત કાળથી સંચિત કર્મોની નિર્જરા કરી. અરિહંત ભક્તિ આદિ ૨૦ બોલોમાંથી કેટલાક બોલોની ઉત્કૃષ્ટ આરાધના કરી અને તીર્થકર નામગોત્રકર્મનું ઉપાર્જન કર્યું. અંતે અનશનપૂર્વક આયુ પૂર્ણ કરી વિજય નામક અનુત્તર વિમાનમાં તેત્રીસ (૩૩) સાગર આયુવાળા દેવરૂપમાં ઉત્પન્ન થયા.
( ચ્યવન અને ગર્ભ-કલ્યાણક ) જમ્બુદ્વીપના ભરતખંડમાં વિનીતા નામની નગરી હતી. ત્યાં ભગવાન ઋષભદેવના ઇક્વાકુ વંશમાં અસંખ્ય રાજાઓના રાજ્ય થયા પછી જિતશત્રુ નામક એક મહાન પ્રતાપી અને ધર્મનિષ્ઠ રાજા થયા. એમની મહારાણીનું નામ વિજયા હતું. મહારાણી વિજયા સર્વગુણસંપન્ન, સર્વાંગસુંદરી, રૂપલાવણ્યયુક્ત, ધર્મનિષ્ઠ વિદુષી અને પતિવ્રતા નારી હતી. રાજદંપતી ન્યાયપૂર્વક પ્રજાનું પાલન કરીને ઉત્તમ સાંસારિક સુખોનો ઉપભોગ કરીને શ્રમણોપાસક ધર્મનું સુચારુ રૂપે પાલન કરતાં હતાં.
ભ. ઋષભદેવના નિર્વાણથી લગભગ ૭૧ લાખ પૂર્વ ઓછા ૫૦ લાખ કરોડ સાગર પશ્ચાત્ વિમલવાહનનો જીવ વિજય નામક અનુત્તર વિમાનના દેવની ૩૩ સાગરોપમ આયુ પૂર્ણ થતા વૈશાખ શુક્લ ત્રયોદશી(તેરશ)ની રાત્રિએ રોહિણી નક્ષત્રની સાથે ચંદ્રનો યોગ થવાથી મતિ, શ્રુતિ અને અવધિ જ્ઞાનથી યુક્ત ચિત્રા નક્ષત્રમાં જ વિજય વિમાનમાંથી ચ્યવન કરી મહારાજ જિતશત્રુની મહારાણી વિજયાદેવીને ગર્ભમાં પ્રવિષ્ટ થયો. એ જ રાત્રિના અંતિમ પ્રહરમાં મહારાણી વિજયાદેવીએ અર્ધસુખ-અર્ધજાગૃત અવસ્થામાં ચૌદ મહાસ્વપ્ન જોયાં. મહારાણી પરમ પ્રમુદિત (આનંદિત) થઈ પોતાના સ્વપ્નની વાત મહારાજ જિતશત્રુને સંભળાવી. મહારાજા જિતશત્રુ પણ હર્ષવિભોર થયા. એમણે કહ્યું કે - “આપણને મહાપ્રતાપી જગતવંદ્ય પુત્રની પ્રાપ્તિ થશે.” | જૈન ધર્મનો મૌલિક ઇતિહાસ 96969696969696969696969696969699 ૮૦ ]
