Jain Dharmno Maulik Itihas Part 01 Tirthankar Khand

Author(s): Hastimal Maharaj
Publisher: Samyag Gyan Pracharak Mandal

Page 99

ધર્મ પ્રત્યે રુચિ જાગૃત થઈ. એના મિથ્યાત્વનાં સ્તરો દૂર થયાં, તો એના અંતર સ્થળમાં સમ્યકત્વ પ્રગટ થયું ને એણે સંસારસાગરથી પાર ઉતારનારા જૈન ધર્મનો સ્વીકાર કરી લીધો. એનાથી તેણીના કષાયોનું ઉપશમન થયું અને વિષય-વાસનાઓ પ્રત્યે અરુચિ અને વિરક્તિ ઉત્પન્ન થઈ. સંપૂર્ણ ચતુર્માસમાં એણે અવિરત નિષ્ઠાની સાથે સાધ્વીઓની સેવા-સુશ્રુષા કરી. વર્ષાવાસ વીતી ગયા પછી સાધ્વીઓએ સુલક્ષણાને બાર અણુવ્રતોના નિયમ ગ્રહણ કરાવી શ્રાવિકા બનાવી અને ત્યાંથી અન્યત્ર વિહાર કર્યો. સાધ્વીઓના વિહાર કર્યા પછી સુલક્ષણાનો પતિ વિદેશથી વિપુલ ધનરાશિ ઉપાર્જિત કરીને પાછો ફર્યો. પતિના આવવાથી સુલક્ષણા ઘણી જ પ્રસન્ન થઈ. જ્યારે શુદ્ધભટ્ટે એને પૂછ્યું કે - “મારા જવા પછી તે તારો સમય કેવી રીતે વિતાવ્યો?” તો સુલક્ષણાએ કહ્યું : “હું આપના વિયોગથી દુઃખી હતી કે ગણિની અહીં પધાર્યા અને ચાર માસ સુધી આપણા ઘરમાં જ વિરાજીને ઘરને પવિત્ર કર્યું. એમનાં દર્શનથી આપના વિરહનું દુઃખ શાંત થયું અને મેં એમની પાસેથી સમ્યકત્વ-રત્ન પ્રાપ્ત કરી મારો જન્મ સફળ કર્યો.”
શુદ્ધભટ્ટ જિજ્ઞાસા પ્રગટ કરી કે - “સમ્યકત્વ કોને કહે છે અને તે કેવી રીતે થાય છે?” સુલક્ષણાએ વીતરાગ જિનેન્દ્ર દ્વારા પ્રરૂપિત શાશ્વત ધર્મનું
સ્વરૂપ પોતાના પતિને સમજાવતા કહ્યું કે - “રાગદ્વેષ આદિ સમસ્ત દોષોને નષ્ટ કરી વીતરાગ બનેલા અરિહંત પ્રભુ દ્વારા પ્રરૂપિત જૈન ધર્મનો
સ્વીકાર કરી સુદેવ, સદ્ગુરુ અને શુદ્ધધર્મ પ્રત્યે અટલ શ્રદ્ધા રાખવી જ સમ્યકત્વ છે. સમ્યકત્વનું જ બીજું નામ સમ્યગ્દર્શન છે. સમ્યકત્વનાં પાંચ લક્ષણ છે - શમ, સંવેગ, નિર્વેદ, અનુકંપા અને આસ્થા અર્થાત્ આસ્તિક્ય. સ્વધર્મી બંધુઓને સમ્યકત્વમાં સ્થિર રાખવા, પ્રભાવના, ભક્તિ, જિનશાસનમાં કુશળતા અને ચતુર્વિધ તીર્થસેવા, એના પાંચ ભૂષણ છે.”
સમ્યગદર્શન અને જૈન ધર્મના સાચા સ્વરૂપને પોતાની પત્ની પાસેથી સારી રીતે સમજીને શુદ્ધભટ્ટ ઘણો જ પ્રસન્ન થયો. એણે પણ સમ્યકત્વ પ્રાપ્ત કર્યું ને પતિ-પત્ની બંને સમ્યકત્વધારી બનીને જૈન ધર્મના અનુયાયી બની ગયાં. જૈન ધર્મમાં આસ્થા ન રાખનારા ગામના કેટલાક લોકો આ બંનેને શ્રાવક ધર્મનું પાલન કરતા જોઈ એમની નિંદા કરતા રહેતા હતા, પણ તેઓ કોઈને કંઈ પણ કહેતા ન હતા. ૯૪ 23369696969696969696969696963 જૈન ધર્મનો મૌલિક ઇતિહાસ ]