Book Title: Jain Dharmno Maulik Itihas Part 01 Tirthankar Khand
Author(s): Hastimal Maharaj
Publisher: Samyag Gyan Pracharak Mandal
View full book text
________________
અંતઃકરણનો ભેદ ન પામવા દેતા અધિક તપસ્યા કરતા રહેવાને લીધે મુનિ મહાબળે સ્ત્રી નામકર્મનો બંધ કરી લીધો. ત્યાર બાદ તમામ પ્રકારના દોષોથી રહિત થઈ વીસ ખોલોની ફરી-ફરીને ઉત્કટ આરાધના કરીને તીર્થંકર નામકર્મ ઉપાર્જિત કર્યું. મુનિ મહાબળ આદિ સાતેય શ્રમણો વિવિધ પ્રકારની ઘોર ને અતિઉગ્ર તપસ્યાઓમાં તન્મય રહ્યા. અંતે ચારુ પર્વત પર સંલેખનાની સાથે યાવજ્જીવન અશન-પાનાદિના પ્રત્યાખ્યાન રૂપ પાદપોગમન સંથારો કર્યો. એ સાતેય મુનિઓએ અંતે બે મહિનાની સંલેખના સહિત ૮૪ લાખ પૂર્વ વર્ષની એમની જીવનલીલા સંકેલીને જયંત નામક અનુત્તર વિમાનમાં અહમિન્દ્ર દેવ થયા: મહાબળ પૂર્ણ ૩૨ સાગરની વયવાળા અને અન્ય ૬ શ્રમણ ૩૨ સાગર કરતા થોડાં ઓછાં આયુષ્યવાળા દેવ થયા. આ પ્રમાણે મુનિ મહાબળના ભવવાળા ભગવાન મલ્લીનાથનું જીવન પ્રત્યેક સાધકને સાધનામાં સદૈવ હંમેશાં સાવધાન અને જાગૃત રહેવાની પ્રેરણા આપે છે.
જન્મ અને નામકરણ
જયંત નામક અનુત્તર વિમાનના દેવભવનું આયુષ્ય પૂર્ણ કરી મહાબળ મુનિનો જીવ ફાગણ શુક્લ ચોથના રોજ અશ્વિની નક્ષત્રના યોગમાં જમ્મૂ-દ્વીપના ભરત ક્ષેત્રની મિથિલા નગરીના રાજા કુંભની મહારાણી પ્રભાવતીદેવીની કુક્ષિમાં પ્રવેશ્યો. એ જ રાત્રે મહારાણીએ ચૌદ અત્યંત શુભસ્વપ્ન જોયાં. બીજા દિવસે સ્વપ્નપાઠકોએ મહારાજને કહ્યું કે - “મહારાજ ! મહારાણીએ જોયેલાં સ્વપ્ન એ જ સંકેત આપે છે કે - ‘તમે લોકો શીઘ્ર જ એવા સંતાનના માતા-પિતા બનશો જે ભવિષ્યમાં કાંતો ચક્રવર્તી સમ્રાટ અથવા ધર્મસંઘના સંસ્થાપક તીર્થંકર હશે.’’
સ્વપ્ન-ફળ સાંભળી મહારાજ-મહારાણી બંને અતિ આનંદિત થયાં. ગર્ભાવસ્થાના સવા નવ મહિના પૂર્ણ થતા માગશર શુક્લ એકાદશની અડધી રાતે ચંદ્ર અને અશ્વિની નક્ષત્રનો યોગ થતા મહારાણીએ અનુપમ શોભા અને કાંતિમાન પુત્રીને જન્મ આપ્યો. દેવ-દેવેન્દ્રો અને રાજા-પ્રજાએ વિધિપૂર્વક પુત્રીનો જન્મોત્સવ ઉજવ્યો. ગર્ભાવસ્થા દરમિયાન માતાને પાંચ પ્રકારનાં ફૂલોની શય્યા(પથારી)ની ઇચ્છા ઉત્પન્ન થઈ હતી, માટે મહારાજે પુત્રીનું નામ મલ્લી ઘોષિત કર્યું.
મલ્લી રાજકુમારી અનુક્રમે દિવસો-દિવસ વૃદ્ધિ પામતી ગઈ. જ્યારે એ ૧૦૦ વર્ષથી કંઈક ઓછી અવસ્થાની થઈ, એમંણે એમના અવિધ૭. જૈન ધર્મનો મૌલિક ઇતિહાસ
૧૪૪ ૭૭
