Jain Dharmno Maulik Itihas Part 01 Tirthankar Khand

Author(s): Hastimal Maharaj
Publisher: Samyag Gyan Pracharak Mandal

Page 162

ઉપસ્થિત થઈ. પ્રતિબુદ્ધિ વગેરે છ રાજા પણ પોત-પોતાનો રાજ્યભાર એમના યુવરાજોને સોંપી વિશાળ પાલખીઓમાં બેસી દીક્ષા ગ્રહણ કરવાના ઇરાદાથી સમવસરણમાં પહોંચ્યા. આ પ્રમાણે દેવી-દેવતાઓ અને નર-નારીઓના વિશાળ સમવસરણમાં દેવકૃત ઉચ્ચ સિંહાસન પર બેસી પ્રભુ મલ્લીએ એમની પ્રથમ અમોઘ દિવ્ય દશનામાં સંસારના દરેક પ્રકારનાં દુઃખોનો અંત આણી જગતના જીવોના કલ્યાણ કરનારા ધર્મના ખરા સ્વરૂપની લોકોને સમજ આપી. ઉપસ્થિત શ્રોતાગણો માટે તો આ સમવસરણનો એક અલૌકિક અનુભવ હતો. સ્વયં મહારાજ કુંભે શ્રાવકધર્મ ને મહારાણીએ શ્રાવિકાધર્મ અંગીકાર કર્યો. જિતશત્રુ વગેરે છએ છ રાજાઓએ શ્રમણધર્મની દીક્ષા ધારણ કરી. આગળ જતા તેઓ ચતુર્દશપૂર્વધર અને ત્યાર બાદ કેવળી થઈ સિદ્ધ, બુદ્ધ અને મુક્ત થયા. આ રીતે ચતુર્વિધ ધર્મતીર્થની સ્થાપના કરી ભ. મલ્લી ભાવ-તીર્થકર કહેવાયાં.
ભ. મલ્લીનાથના પ્રથમ શિષ્ય અને પ્રમુખ ગણધરનું નામ ભિષક હતું અને પ્રથમ શિષ્યા અને સાધ્વી સંઘની પ્રવર્તિનીનું નામ બંધુમતી હતું. ભ. મલ્લીનાથના પહેલાં અને પછીના બધા જે તીર્થકરોની એક જ પ્રકારની પરિષદ હતી. પરંતુ ભ. મલ્લીનાથની સાધ્વીઓની આત્યંતર (આંતરિક) અને સાધુઓની બાહ્ય પરિષદ નામની બે પરિષદો હતી. ભગવાન મલ્લીનાથે ૫૪૯૦૦ વર્ષો સુધી અનેક ક્ષેત્રોમાં વિચરણ કરતા રહીને લાખો ભવ્ય આત્માઓને ધર્મમાર્ગે દોરીને એમનું કલ્યાણ કર્યું. અંતે ભગવાન સમેત શિખર પર પહોંચ્યા.
ત્યાં એમણે પોતાનાં એક હજાર સાધુ-સાધ્વીઓની સાથે પાદપોપગમન સંથારો કરી નિર્જળ અનશનનું પ્રત્યાખ્યાન કર્યું. શાંત-સ્થિર ભાવથી પ્રભુએ શેષ ચાર અઘાતી કર્મોનો લોપ કરી પોતાનો પ૫ હજાર વર્ષનો જીવનકાળ સમાપ્ત કરી ચૈત્ર શુક્લ ચતુર્થીની અડધી રાત્રે ભરણી નક્ષત્રના યોગમાં ૧ મહિનાનું અનશન પૂર્ણ કરી એક હજાર સાધુસાધ્વીઓની સાથે નિર્વાણ મેળવ્યું. - ભ. મલ્લીનાથના ધર્મસંઘમાં ૨૮ ગણ અને ૨૮ ગણધર, ૩૨૦૦ કેવળી, ૮૦૦ મન:પર્યવજ્ઞાની, ૨૦૦૦ અવધિજ્ઞાની, ૬૦૦ ચૌદપૂર્વધારી, ૩૫૦૦ વૈક્રિયલબ્ધિધારી, ૧૪૦૦ વાદી, ૪૦૦૦૦ સાધુ, પ૫૦૦૦ સાધ્વીઓ, ૨૦૦૦ અનુત્તરોપપાતિક મુનિ, ૧૮૪૦૦૦ શ્રાવક અને ૩૬૫000 શ્રાવિકાઓનો વિસ્તૃત સમૂહ હતો. | જૈન ધર્મનો મલિક ઇતિહાસ 969696969696969696969696969690 ૧૫૦ |