Book Title: Jain Dharmno Maulik Itihas Part 01 Tirthankar Khand
Author(s): Hastimal Maharaj
Publisher: Samyag Gyan Pracharak Mandal
View full book text
________________
કૃષ્ણ સત્યભામાના આ સુઝાવથી સંતોષ પામતા તરત જ મહારાજ ઉગ્રસેન પાસે પહોંચ્યા. કૃષ્ણના મોઢે અરિષ્ટનેમિ માટે પોતાની પુત્રી રાજીમતીના માંગાની વાત સાંભળી તેઓ ઘણા હર્ષ પામ્યા. તેઓ તરત જ તૈયાર થઈ ગયા. એની જાણ કૃષ્ણએ સમુદ્રવિજયને કરી. આ સાંભળી સમુદ્રવિજયના આનંદનો કોઈ પાર ન રહ્યો, આખરે કયો પિતા પોતાના પુત્રના વિવાહ-પ્રસ્તાવ પર રાજી ન થાય? વિવાહનો સમય નક્કી કરી બંને તરફથી તડામાર તૈયારીઓ શરૂ થઈ ગઈ.
નક્કી કરેલા દિવસ અને તિથિએ કુમાર અરિષ્ટનેમિની જાન ઘણી ધામ-ધૂમથી મહારાજ ઉગ્રસેનના મહેલ તરફ રવાના થઈ. વરયાત્રાનું દેશ્ય ઘણું જ સંમોહક, મનોહર અને દર્શનીય હતું. સુંદર, સમૃદ્ધ અને સુશોભિત જાનૈયાઓની વચ્ચે નેમિકુમાર વરરાજાના રૂપમાં સંસારના શિરોમણિ, રૈલોક્ય ચૂડામણિની માફક શોભી રહ્યા હતા. કુમારને વરરાજા સ્વરૂપે જોવા લોકોની હકડેઠઠ મેદની ઊભરાઈ રહી હતી, જે એમને જોઈ શકતો તે પોતાને ભાગ્યશાળી સમજતો. જાન ધીમે-ધીમે રાજા ઉગ્રસેનના ભવન પાસે પહોંચી. રાજકુમારી રાજીમતીની બહેનપણી
ઓએ કુમારને જોયા તો આશ્ચર્યચકિત રહી ગઈ. એમણે દોડતાં આવી રાજીમતીને ઘેરી લીધી અને કહેવા લાગી. “તું ખૂબ જ ભાગ્યશાળી છે? તને કુમાર નેમિનાથ જેવા રૈલોક્ય-તિલક વર સાથે તારાં લગ્ન થશે.” સહેલી-ઓના મોઢેથી નેમિનાથના રૂપના વખાણ સાંભળી રાજીમતીનું મન ગગદ થઈ રહ્યું હતું અને આંખો શરમથી ઝૂકી જતી હતી. સહેલીઓને વારંવાર ના પાડવા છતાં તેઓ એને ખેંચીને બારી પાસે લઈ આવી, જ્યાંથી એણે નેમિનાથને જોયા. સ્વપ્નમાં પણ કહ્યાં ન હતા તેવા રૈલોક્ય-મણિ નર-રત્ન એને પ્રાણનાથના સ્વરૂપે મળવાના હતા. એ સમજી ન શકી કે એનાં કયાં સુકૃત્યોના ફળસ્વરૂપ એને ભગવાન નેમિનાથ જેવા સુંદર વર મળી રહ્યા હતા.”
આ તરફ રાજકુમારી કુમારને જોઈને એના ભાગ્ય પર ખુશ અને પ્રમુદિત થઈ રહી હતી અને બીજી તરફ આવતી વખતે નેમિકુમારે પશુઓનાં કરુણ આક્રંદને સાંભળીને જાણવા છતાં પણ પોતાના સારથીને પૂછ્યું: “આ કેવું કરુણ આક્રંદ સંભળાઈ રહ્યું છે?”
સારથીએ કહ્યું: “સ્વામિન્ ! તમારાં લગ્ન પ્રસંગે વિવિધ ભોજનસામગ્રી બનાવવા માટે અનેક બકરાંઓ, ઘેટાંઓ તથા વન્ય પશુ-પક્ષી ૧૯૮ 99999996969696969696999) જૈન ધર્મનો મૌલિક ઇતિહાસ
