Book Title: Jain Dharmno Maulik Itihas Part 01 Tirthankar Khand
Author(s): Hastimal Maharaj
Publisher: Samyag Gyan Pracharak Mandal
View full book text
________________
હાર માની પાછી ફરી ગઈ. તપ સમાપ્તિએ રાજાએ દીક્ષા ગ્રહણ કરવાનો નિર્ધાર કર્યો અને પોતાના પુત્રને રાજ્યભાર સોંપી મુનિ ઘનરથની પાસે અનેક સાથીઓની સાથે દીક્ષા ધારણ કરી. એમણે પહેલાં પ્રાણીદયાથી ઉત્કૃષ્ટ પુણ્યનો સંચય કરેલો હતો. હવે તપ અને સંયમની સાધનાથી તીર્થકર નામકર્મ મેળવી લીધું. છેલ્લા સમયે અનશનની આરાધના કરી સર્વાર્થસિદ્ધ વિમાનમાં તેત્રીસ સાગરના આયુષ્યયુક્ત દેવરૂપે ઉત્પન્ન થયા.
ભ. શાંતિનાથના પિતા હસ્તિનાપુરના મહારાજ વિશ્વસેન હતા, અને એમની માતાનું નામ મહારાણી અચિરાદેવી હતું. મેઘરથનો આત્મા સર્વાર્થસિદ્ધ વિમાનમાંથી ટ્યુત થઈ ભાદરવા કૃષ્ણ સપ્તમીના ભરણી નક્ષત્રના યોગમાં રાણી અચિરાના ગર્ભમાં સ્થાપિત થયો. મહારાણીએ શુભમંગળ ચૌદ સ્વપ્નો જોયાં, ગર્ભાવસ્થા પૂરી થતા જેઠ કૃષ્ણ ત્રયોદશી(તેરશ)ના ભરણી નક્ષત્રમાં અર્ધરાત્રિના સમયે મહારાણીએ પુત્રરત્નને જન્મ આપ્યો.
શાંતિનાથના ગર્ભમાં પ્રવિષ્ટ થવાના પહેલાં હસ્તિનાપુરની આસપાસનું ક્ષેત્ર મહામારીથી પીડિત હતું. બધા લોકો ચિંતાતુર હતા. માતા અચરાદેવીએ ગર્ભ ધારણ કરતા જ મહામારી શાંત થવા લાગી અને ધીમે-ધીમે સ્થિતિ સામાન્ય બની, એટલે માતા-પિતાએ પુત્રનું નામ શાંતિનાથ રાખ્યું..
કુમાર શાંતિનાથ જ્યારે ૨૫ હજાર વર્ષના થયા અને તરુણાવસ્થામાં પ્રવેશ્યા તો મહારાજ વિશ્વસેને એમનાં લગ્ન અનેક રાજકન્યાઓ સાથે કરાવ્યાં. થોડા સમય પછી એમને રાજ-કાજ સોંપી સ્વયં મુનિવ્રતધારક થયા. રાજા બન્યા પછી એમની રાણી યશોમતિ દ્વારા એમને એક પુત્ર પ્રાપ્ત થયો, જેનું નામ ચક્રાયુધ રાખવામાં આવ્યું. ૨૫ હજાર વર્ષ સુધી માંડલિક રાજાના રૂપમાં રાજ્ય કર્યા બાદ એમની આયુધશાળામાં ચક્રરત્ન પ્રગટ થતા એમણે છ ખંડો પર પોતાનું આધિપત્ય સ્થાપીને ચક્રવર્તીપદ મેળવ્યું. ૨૫ હજાર વર્ષ સુધી ચક્રવર્તીના રૂપમાં સામ્રાજ્ય ચલાવ્યા બાદ એમને દીક્ષા ગ્રહણ કરવાની તમન્ના થઈ.
લોકાંતિક દેવોની પ્રેરણાથી એમણે વર્ષીદાનની શરૂઆત કરી અને તે પૂરુ થતા જેઠ કૃષ્ણ ચતુર્દશ(ચૌદશ)ના ભરણી નક્ષત્રમાં એક હજાર રાજાઓની સાથે છઠ્ઠભક્ત તપસ્યા કરી દીક્ષા માટે નિષ્ક્રમણ કર્યું. દેવ[ ૧૩૦ 29696969696969696969696969696963 જૈન ધર્મનો મૌલિક ઇતિહાસ ,
