Book Title: Jain Dharmno Maulik Itihas Part 01 Tirthankar Khand
Author(s): Hastimal Maharaj
Publisher: Samyag Gyan Pracharak Mandal
View full book text
________________
સાથે ષષ્ટમભક્તની તપસ્યાથી એમનું અભિનિષ્ક્રમણ થયું. પોષ કૃષ્ણ ત્રયોદશી(તેરશ)ના અનુરાધા નક્ષત્રમાં સંપૂર્ણ પાપકર્મોને પરિત્યાગી ભગવાન ચંદ્રપ્રભએ દીક્ષા લીધી. દીક્ષાના બીજા દિવસે પદ્મખંડના સોમદત્ત રાજાને ત્યાં ક્ષીરાત્રથી એમનું પારણું થયું. દેવોએ પંચદિોની વર્ષા કરી દાનનો મહિમા પ્રગટ કર્યો.
ત્રણ મહિના સુધી છદ્મસ્થચર્યામાં વિચરણ કર્યા પછી પ્રભુ ચંદ્રપ્રભ સહસ્રામ્રવનમાં પધાર્યા. ત્યાં પ્રિયંગુ વૃક્ષની નીચે શુક્લધ્યાનમાં ધ્યાનાવસ્થિત થઈ ગયા. ફાગણ કૃષ્ણ સપ્તમીએ જ્ઞાનાવરણ આદિ ચાર ઘાતીકર્મોનો ક્ષય કરી એમણે કેવળજ્ઞાન અને કેવળદર્શનની પ્રાપ્તિ કરી. પછી દેવ-માનવોની વિશાળ સભામાં શ્રુત અને ચારિત્રધર્મની દેશના આપી એમણે તીર્થની સ્થાપના કરી. ૧ લાખમાં થોડાં ઓછાં પૂર્વ વર્ષ સુધી કેવળીપર્યાયમાં રહી પ્રભુએ જીવોનું કલ્યાણ કર્યું.
એમના ધર્મપરિવારમાં ૯૩ ગણ અને ગણધર, ૧૦૦૦૦ કેવળી, ૮૦૦૦ મન:પર્યવજ્ઞાની, ૮૦૦૦ અવધિજ્ઞાની, ૨૦૦૦ ચૌદપૂર્વધારી, ૧૪૦૦૦ વૈક્રિયલબ્ધિધારી, ૭૬૦૦ વાદી, ૨૫૦૦૦૦ સાધુ, ૩૮૦૦૦૦ સાધ્વીઓ, ૨૫૦૦૦૦ શ્રાવક અને ૪૯૧૦૦૦ શ્રાવિકાઓ હતાં.
જે સમયે પ્રભુએ પોતાના જીવનનો અંતકાળ સમીપ જોયો, એ સમયે સમેત શિખર પર એક હજાર મુનિઓની સાથે ૧ મહિનાનું અનશન કર્યું અને અયોગી દશામાં ચાર અઘાતીકર્મોનો ક્ષય કરી ભાદરવા કૃષ્ણ સપ્તમીએ અનુરાધા નક્ષત્રમાં નિર્વાણ પ્રાપ્ત કર્યું.
એમની કુલ વય ૧૦ લાખ પૂર્વ વર્ષની હતી, જેમાંથી અઢી લાખ પૂર્વ વર્ષ સુધી યુવરાજપદ પર ને સાડા છ લાખ પૂર્વ વર્ષ રાજ્યપદ પર રહ્યા તથા ૧ લાખ પૂર્વમાં થોડાં ઓછાં વર્ષ સુધી પ્રભુએ ચારિત્રધર્મનું પાલન કરી સિદ્ધપદ પ્રાપ્ત કર્યું.
卐
૧૧૪ ૩
9. જૈન ધર્મનો મૌલિક ઇતિહાસ
