Jain Dharmno Maulik Itihas Part 01 Tirthankar Khand

Author(s): Hastimal Maharaj
Publisher: Samyag Gyan Pracharak Mandal

Page 93

( બીજા ચક્રવર્તીનું ગર્ભમાં આગમન એ જ રાત્રે મહારાજ જિતશત્રુના નાના ભાઈ સુમિત્ર વિજયની યુવારાણી વૈજયંતીએ પણ ચૌદ મહાસ્વપ્ન જોયાં. જેમની પ્રભા મહારાણી વિજયાનાં સ્વપ્નોથી થોડી મંદ હતી. બીજા દિવસે મહારાજ જિતશત્રુએ કુશળ સ્વપ્નપાઠકોને બોલાવી સ્વપ્નફળ જણાવવાનો આગ્રહ કર્યો, તો એમણે ચિંતન-મનન પશ્ચાત્ કહ્યું કે - “મહારાણી વિજયાદેવીના ગર્ભથી આ અવસર્પિણી કાળના બીજા તીર્થકરનો જન્મ થશે અને યુવારાણી વૈજયંતી દેવી દ્વિતીય ચક્રવર્તીની માતા બનશે.”
(જન્મ) ગર્ભકાળ પૂર્ણ થતાં માઘ શુક્લ અષ્ટમીની રાત્રિએ ચંદ્રનો રોહિણી નક્ષત્ર સાથે યોગ થતા માતા વિજયાદેવીએ સુખપૂર્વક ત્રિલોક્ય પૂજ્ય પુત્રરત્નને જન્મ આપ્યો. ભ. ઋષભદેવના જન્મ મહોત્સવની જેમ અજિતનાથનો જન્મ મહોત્સવ ઉજવવામાં આવ્યો. પ્રભુના જન્મના થોડા સમય પછી યુવરાજ સુમિત્રની યુવારાણી વૈજયંતીએ પણ પુત્રરત્નને જન્મ આપ્યો, જે આગળ જતા દ્વિતીય ચક્રવર્તી બન્યો. રાજકુળમાં એક સાથે બે-બે પુત્રોના જન્મથી રાજમહેલ ખુશી અને વધામણીના વાતાવરણથી, આનંદમય થઈ ગયો. લોકોને જાત-જાતનાં પ્રીતિદાન અને પારિતોષિક આપવામાં આવ્યાં. ચારેય તરફ રાગરંગ, ઉત્સવનું વાતાવરણ હતું. એક શુભ દિવસે મહારાજ જિતશત્રુએ પોતાના બંધુ-બાંધવો, અમાત્યો, સામંતો અને નગરીની ગણમાન્ય વ્યક્તિઓને આમંત્રિત કરી, સમુચિત સન્માનસત્કાર કર્યા. ઉપરાંત ઘોષણા કરી કે - “જ્યારથી અમારો આ પુત્ર માતાના ગર્ભમાં આવ્યો ત્યારથી હું પ્રત્યેક ક્ષેત્રમાં અજિત રહ્યો છું, એટલા માટે આ બાળકનું નામ અજિત રાખવું ઉચિત થશે.” લોકોએ હર્ષોલ્લાસથી એમની સહમતિ પ્રગટ કરી. યુવરાજ સુમિત્રના પુત્રનું નામ સગર રાખવામાં આવ્યું.
બંને રાજકુમારોનું લાલન-પાલન અને સંવર્ધન સાથે-સાથે થવા લાગ્યું. બંને શિશુઓએ અનેક વર્ષો સુધી પોતાની બાળલીલાઓથી માતા-પિતા ને પરિજનો-પુરજનોને આનંદિત કર્યા. રાજકુમાર અજિત જન્મથી ત્રણ જ્ઞાનના ધારક હતા. તેઓ બધી વિદ્યાઓ અને કળાઓ જાણતા હતા; અતઃ એમને કંઈ પણ શીખવવાની આવશ્યકતા ન હતી. પણ સગર કુમારને ૮૮ 9696969696969696969696969£969696] જેન ધર્મનો મૌલિક ઇતિહાસ |