Jain Dharmno Maulik Itihas Part 01 Tirthankar Khand

Author(s): Hastimal Maharaj
Publisher: Samyag Gyan Pracharak Mandal

Page 96

ત્રણ જ્ઞાનના ધણી મહારાજ અજિતને વિદિત હતું કે - “એમનો ભાઈ સગર દ્વિતીય ચક્રવર્તી બનશે, અતઃ એમણે ઘણી આત્મીયતાથી આજ્ઞાપૂર્ણ સ્વરમાં કહ્યું : “યુવરાજ, હજી તારા ભોગ્ય કર્મો અવશિષ્ટ (બાકી) છે. હું તને આજ્ઞા આપું છું કે - “આ રાજ્યભાર સંભાળીને પ્રજા-પાલનનું તારું કર્તવ્ય પૂરું કર.” હંમેશાં પિતૃવત્ પૂજિત પોતાના ગુરુતુલ્ય ભ્રાતાનો આદેશ પાળવા સિવાય કોઈ માર્ગ યુવરાજ સગરની સામે ન રહ્યો. મહારાજ અજિત શુભ તિથિ અને નક્ષત્રમાં સગરકુમારનો રાજ્યાભિષેક કર્યો.
(વર્ષીદાન અને દીક્ષા) યુવરાજ સગરનો રાજ્યાભિષેક કર્યા પછી મહારાજે વર્ષીદાન આપ્યું. તે પ્રત્યેક દિવસે પ્રાતઃકાળ એક કરોડ આઠ લાખ સ્વર્ણમુદ્રાઓનું દાન કરતા હતા. વર્ષીદાન સંપન્ન થતાં જ શક્ર આદિ ચોસઠ (૬૪) ઈન્દ્ર મહારાજની સેવામાં ઉપસ્થિત થયા. શક્રાદિ દેવેન્દ્ર તથા મહારાજ સગરે મહારાજ અજિતના અભિનિષ્ક્રમણ મહોત્સવનું આયોજન કર્યું. મહારાજને વસ્ત્રાભૂષણોથી અલંકૃત કરી સુપ્રભા નામક શિવિકામાં વિરાજમાન કર્યા. નરેન્દ્રોના સમૂહે દેવેન્દ્રોની સાથે મહારાજની પાલખી ઉઠાવી અને વિનીતા નગરીની બહાર સ્થિત સહસ્ત્રાપ્રવનમાં પહોંચ્યા. દેવતાઓ અને નર-નારીઓનો વિશાળ સમૂહ મહોત્સવ જોવા માટે ઊમટી પડ્યો. માઘ શુક્લ નવમીએ ચંદ્રના રોહિણી નક્ષત્રની સાથે યોગ થતા અજિત મહારાજે સ્વયં જ વસ્ત્રાલંકાર ઉતાર્યા અને શક્ર દ્વારા સમર્પિત દેવદૂષ્ય ધારણ કર્યું. ત્યાર બાદ પંચમુષ્ટિક લુંચન (લોચ) કરી “નમો સિદ્ધાણં' પદ વડે સિદ્ધભગવંતોને નમસ્કાર કરી ષષ્ટ ભક્તની તપસ્યા સહિત એક હજાર રાજાઓ વ્યક્તિઓની સાથે વાવજીવન સામાયિક ચારિત્ર સ્વીકાર કર્યું. દીક્ષાગ્રહણ કરતા જ એમને મન:પર્યવજ્ઞાન પ્રગટ થઈ ગયું.
| (છઘસ્યકાળ) દીક્ષા ગ્રહણના બીજા દિવસે પ્રભુને સાકેત (અયોધ્યા/વિનીતા)માં જ રાજા બ્રહ્મદત્તે એમને ત્યાં ક્ષીરાત્રથી બેલે(છઠ્ઠ) તપનું પારણું કરાવ્યું અને તે પ્રભુ અજિતનાથના પ્રથમ ભિક્ષાદાતા થયા. ત્યાં ૫ પ્રકારની દિવ્ય વૃષ્ટિ થઈ. ભગવાન અજિતનાથ દીક્ષિત થયા પછી ૧૨ વર્ષ સુધી છઘસ્થાવસ્થામાં ગ્રામાનુગ્રામ વિચરણ કરતા રહ્યા. બાર વર્ષ સુધી બાહ્ય જૈન ધર્મનો મૌલિક ઈતિહાસ 9696969696969696969696969690 ૯૧ |