Jain Dharmno Maulik Itihas Part 01 Tirthankar Khand

Author(s): Hastimal Maharaj
Publisher: Samyag Gyan Pracharak Mandal

Page 85

સમયે પ્રથમ શ્રાવિકા બની. જ્યારે ભરત પખંડ પર વિજય વૈજયન્તી ફરકાવવા નીકળ્યા તો સુંદરીએ નિરંતર આયંબિલ વ્રતનો પ્રારંભ કરી દીધો. ૬૦ હજાર વર્ષ પછી જ્યારે ભરત વિજય અભિયાનથી પાછા ફર્યા તો સુંદરીનું ક્ષીણકાય રૂપ અને સંયમની ઉત્કટ અભિલાષા જોઈને એને ભગવાનની સેવામાં રત બ્રાહ્મીની પાસે પ્રવ્રજિત કરાવી દીધી.
શ્વેતાંબર પરંપરાના પશ્ચાદવર્તી સાહિત્યમાં બ્રાહ્મીની દીક્ષા તો સંઘની સ્થાપનાની સાથે જ માન્ય કરવામાં આવી, પણ સુંદરીની દીક્ષા બ્રાહ્મીથી ૬૦ હજાર વર્ષ પછી અર્થાત્ ભરત ચક્રવર્તીના દિગ્વિજય પછી માનવામાં આવી છે. પરંતુ બીજી બાજુ ધ્યાનસ્થ બાહુબલીને પ્રતિબોધ આપવા માટે બ્રાહ્મીની સાથે સુંદરીને મોકલવાનો પણ ઉલ્લેખ છે, એ ત્યારે જ સંભવ છે જ્યારે બંનેનું દીક્ષા ગ્રહણ સાથે માનવામાં આવે, બીજા પણ ઉપલબ્ધ તથ્યો ઉપર તટસ્થતાથી વિચાર કરવામાં આવે તો જમ્બુદ્વીપપ્રજ્ઞપ્તિ અને કલ્પસૂત્ર'ની ભાવના અનુસાર બ્રાહ્મી અને સુંદરી બંને બહેનોનું સાથે-સાથે દીક્ષિત હોવું જ યુક્તિસંગત અને ઉચિત પ્રતીત થાય છે.
( કષભદેવનો પુત્રોને પ્રતિબોધ) ઋષભદેવે પોતાના બધા પુત્રોને પૃથક પૃથક રાજ્ય આપી પ્રવ્રજ્યા ગ્રહણ કરી. જ્યારે ભારતે પખંડ ઉપર વિજય મેળવ્યો. તો પોતાના ભાઈઓને પણ પોતાના આજ્ઞાનુવર્તી બનાવવા ઈચ્છડ્યાં. ભાઈઓએ અરસપરસ વિચાર-વિમર્શ કર્યો. પણ કોઈ નિર્ણય ઉપર ન પહોંચી શક્યા. અંતે એમણે એમના સાંસારિક પિતા ભગવાન ઋષભદેવની પાસે જઈને પોતાની સમસ્યા કહી. તેઓ જ્યારે ભગવાનની પાસે પહોંચ્યા તો ભગવાને એમને ભૌતિક રાજ્યની નશ્વરતા બતાવતા આધ્યાત્મિક રાજ્યનું મહત્ત્વ સમજાવ્યું. ભગવાનનાં વચનથી બધા ભાઈ પ્રબુદ્ધ અને વિરક્ત થઈ ગયા. એમણે પંચ મહાવ્રતરૂપ ધર્મને ગ્રહણ કર્યો અને ભગવાનના શિષ્ય બની ગયા.
( અહિંસક યુદ્ધ) સમ્રાટ ભરત સંપૂર્ણ ભારત-ભૂખંડ પર પોતાનું સામ્રાજ્ય સ્થાપિત કરવા માંગતા હતા. એમના ૯૮ ભાઈઓએ દીક્ષા ગ્રહણ કરી એમનો માર્ગ સરળ બનાવી દીધો હતો, છતાં પણ એક બાધા હતી કે બાહુબલીને કેવી રીતે જીતવામાં આવે ? એ વગર ચક્રવર્તિત્વ તથા એકછત્ર રાજ્યની સ્થાપના અસંભવ હતી, તેથી એમણે પોતાના નાના ભાઈ [ ૮૦ 38 39006939696969696969696] જેન ધર્મનો મૌલિક ઇતિહાસ |