Jain Dharmno Maulik Itihas Part 01 Tirthankar Khand

Author(s): Hastimal Maharaj
Publisher: Samyag Gyan Pracharak Mandal

Page 73

સાથે એમને વિદાય આપી સેના સહિત પડાવ ઉપર આવીને મહારાજે દ્વિતીય અષ્ટમભક્ત તપનું પારણું કર્યું અને આઠ દિવસ સુધી વરદામ તીર્થાધિપતિ દેવનો મહામહોત્સવ ઊજવવાનો બધાને આદેશ આપ્યો.
આ પ્રમાણે ઉપરોક્ત રીતિથી તૃતીય અષ્ટમભક્ત તપનું અનુષ્ઠાનપૂર્વક મહારાજ ભરત વાયવ્ય દિશાના સમસ્ત ભૂમંડળને પોતાના આધીન કરીને પ્રભાસતીર્થની પાસે પહોંચ્યા. પ્રભાસ તીર્થાધિપતિ દેવે પણ ચક્રવર્તી ભરતને ભેટ પ્રસ્તુત કરી.
ચતુર્થ અષ્ટમભક્ત તપના પ્રભાવથી સિંધુ નદીના તટ પર અવસ્થિત સિંધુદેવીને પણ જ્યારે અવધિજ્ઞાનના લીધે જ્ઞાત થયું કે - “ભરત ક્ષેત્રના પ્રથમ ચક્રવર્તી સમ્રાટ ભરત પખંડના સાધનાર્થે એમની પાસે આવ્યા છે, તો તેણી રત્નજડિત ૧૦૦૮ કુંભ, કળશ અને જાત-જાતનાં દુર્લભ મણિરત્નોની સાથે મહારાજની સામે ઉપસ્થિત થઈ.”
ત્યાર બાદ મહારાજ ભરત ઈશાન કોણમાં વૈતાદ્ય પર્વતની તરફ વધ્યા. વૈતાઢ્ય પર્વતના દેવની આરાધના માટે કરવામાં આવેલ પાંચમા અષ્ટમભક્ત તપને સમાપ્ત થતાં જ વૈતાઢય દેવનું આસન ડોલી ઊઠ્યું. એમને ભરતના આગમન અને ઉદ્દેશ્યનું જ્ઞાન થયું અને તે ભાવિ સ્ત્રીરત્ન માટે તિલક વગેરે ૧૪ પ્રકારના આભરણ તથા ભરતના તથા ભારતના અભિષેક યોગ્ય અલંકાર અને અન્ય સામગ્રીઓની સાથે એમની સન્મુખ ઉપસ્થિત થયા. ભરતે એમનું સ્વાગત કર્યું. એમની ભેટ સ્વીકારી અને વિદાય આપી.
થોડા સમય પછી ભરત તિમિસ્ત્ર ગુફાની નજીક પહોંચ્યા. છઠ્ઠા અષ્ટમભક્ત તપના સમાપ્ત થતા થતા તિમિત્ર ગુફાના કૃતમાલ દેવનું આસન ડોલી ઊઠ્યું. એમને જ્યારે જાણ થઈ કે - “મહારાજ ભરત પોતાની ષખંડ સાધનામાં તત્પર છે, તો તેઓ પણ અનેક પ્રકારના વસ્ત્રાલંકાર અને આભૂષણ લઈ મહારાજ ભરતની સેવામાં ઉપસ્થિત થયા. મહારાજે કૃતમાલ દેવની ભેટ સ્વીકારી અને સત્કાર-સન્માનની સાથે એમને વિદાય કર્યા.”
છઠ્ઠા મહોત્સવના સમાપ્ત થતા મહારાજ ભરતે પોતાના સેનાપતિ સુષેણને ચતુરંગિણી સેનાની સાથે જઈ સિંધુ નદીના પશ્ચિમ તટથી લવણ સમુદ્ર અને વૈતાઢચ પર્વત સુધીના ભૂખંડને જીતીને ત્યાંથી રત્ન વગેરે વસ્તુઓ ભેટ સ્વરૂપમાં લાવવાનો આદેશ આપ્યો.
સેનાપતિ સુષેણ મહાપરાક્રમી, ઓજસ્વી, બધા પ્રકારની ભાષાઓના વિશેષજ્ઞ, ભરત ક્ષેત્રના દુર્ગમ અને ગુપ્ત બધાં સ્થળોના જાણકાર, શસ્ત્ર [ ૬૮ 0996969696969696969696969696963 જૈન ધર્મનો મોલિક ઇતિહાસ