________________ 13 નિમિત્ત નથી, પરંતુ તપાગચ્છની ઉત્તમ નીતિનું પાલન કરવાની એક ફરજરૂપે જ લખાયું છે. એને આરોગ્યપ્રાપક-વર્ધક કડવા પણ પરિણામે હિતકર ઔષધ તરીકે સ્વીકારવા સૌ કોઈને નમ્ર વિનંતિ-ભલામણ છે. અમારો કોઈને ખુલ્લા પાડવાનો કે કોઈની ભૂલ બતાવીને એની માનહાનિ કરવાનો લેશમાત્ર ઈરાદો નથી, પરંતુ સન્માર્ગ-ઉન્માર્ગની ભેદરેખા સ્પષ્ટ કરી આપવાની એકમાત્ર ફરજના ભાગરૂપે આ નાનકડો પ્રયાસ કરાયો છે. બાકી અત્યારે શાસ્ત્ર સાથે સંમત ન હોય તેવી અઢળક વાતો પ્રચારાતી-પ્રસારાતી હોય છે. તે બધાની સમીક્ષા કરવા જઈએ તો એક-એક વિષય ઉપર એક-એક પુસ્તક રચવું પડે તેવી હાલત છે. - બીજી વાત, છેલ્લા કેટલાક વર્ષોથી “તિથિપ્રશ્ન સિદ્ધાંતનો નથી પણ સામાચારીનો છે અને જેને જે સામાચારી પાળવી હોય તે પાળી શકે, સામાચારીભેદમાં વિરોધ-વિવાદ કરવાનો ન હોય, સામાચારીભેદ હોવાથી કોઈ ઉદયતિથિની આરાધના ન કરે તો પણ તેને મિથ્યાત્વાદિ ચાર દોષો લાગી જતા નથી.” વગેરે વગેરે ઘણા અપપ્રચારો ચાલે છે.” - તે બધાની વિચારણા પણ કરવી અત્યંત જરૂરી છે. પણ પુસ્તકનું કદ વધી જવાના કારણે તે વિષયની આંશિક વિચારણા અહીં કરી છે. વિશેષ વિચારણા “તિથિનિર્ણય સિદ્ધાંત કે સામાચારી ?" - આ નામના અલગ પુસ્તકમાં કરવામાં આવી છે. જિજ્ઞાસુવર્ગે ત્યાંથી જોવા ભલામણ. આ પુસ્તકમાં શાસ્ત્રકાર મહર્ષિઓએ કહેલી વાતો જ નોંધાઈ છે. અમારા ઘરનું અમે કશું મૂક્યું નથી. છતાં ઘણાને ગમશે અને ઘણાને નહીં ગમે, એ અમને ખબર છે. છતાં પ્રભુશાસન પ્રત્યેના અમારા કર્તવ્યના એક ભાગરૂપે આ પ્રયાસ કર્યો છે. તેને સૌ કોઈ આરાધકવર્ગ ઉત્તમ ઔષધ રૂપે અનુકૂળ કરીને માનશે-સ્વીકારશે એવી આશા રાખું છું. ઘણી વખત માર્ગની રક્ષા માટે શાસ્ત્રકારોની નક્કર વાતો-સત્ય હકીકતો નિરૂપાયે રજુ કરવી પડે છે. ત્યારે પૂજ્યપાદ શ્રી આનંદધનજી
