________________
જીવો દયાને પાત્ર છે. જ્યારે નરકના વેરવિરોધી છે. માત્ર મોક્ષ સિદ્ધગતિને પામેલા જીવો કર્મ-ક્રિયાથી મુક્ત છે. તેથી નવા કર્મનો બંધ કરતા નથી.
અમૃતના એક બિંદુ માત્રના સેવનથી તીવ્ર વિષનો વ્યાધિ નાશ પામે છે. તેમ સિદ્ધ ભગવંતના ધ્યાનથી જીવોની દુષ્કૃત્યોની પરંપરા નાશ પામે છે. માટે સિદ્ધગતિપદનું આરાધન લોગસ્સસૂત્રધારા, સિદ્ધાણં બુદ્ધાણં સૂત્ર દ્વારા રોજ ચિંતન-મનનના આધારે કરવું જોઈએ. ઉપરાંત વિધિ-જે દર્શાવી છે તે પણ ૨૦ માળા ૧૫ લોગસ્સનો કાઉસ્સગ્ગ અને ૩૧ ખમાસમણાં-સ્વસ્તિકાદિ કરવી. આ ઉપરાંત પ્રતિક્રમણ, દેવવંદન, પડીલેહણ, સિદ્ધપદ પૂજા (૧) કરવા પ્રયત્ન કરવાથી આરાધના સંપૂર્ણ થાય છે.
આ જીવ પૂર્વ પ્રયોગ (સંસારી અવસ્થાના વિચાર) અને ગતિ પરિણામ (ચારે ગતિના સ્વભાવ)થી મુક્ત થાય તોજ બંદનછેદ (બંદુકમાંથી ગોળી છૂટે તેમ) અને અસંગપણું (તુંબડુ કાદવમાં ઉગે, પાણીના સંયોગે નિર્મળ થાય અને પાણીની ઉપર નિર્મળ થઈ શોભા પામે તે રીતે)ના ઉદાહરણ નજર સામે રાખી શાશ્વત સુખનો સ્વામી બનવાનો પ્રયત્ન કરવો જોઈએ. એક ભવમાં નહિ અનેકાનેક ભવોમાં કરેલી સાધનાજ ક્રમશઃ મોક્ષની નજીક પહોંચાડે છે. શ્રી સિદ્ધપદ ઉપર હસ્તિપાલ રાજા કથા :
આત્મા શાશ્વતો છે. શાશ્વતું સુખ મેળવવા માટે એ પ્રયત્ન કરે છે. એ પ્રયત્નનું નામ કર્મરહિત થવું. અઢી અક્ષરની આ માયા આત્માને જ્યાં સુધી વળગેલી છે ત્યાં સુધી મોક્ષ-મુક્તિ કે શાશ્વત સુખ દૂર દૂર છે. કર્મ બંધ સંસાર વધારે છે ને ધર્મ સંસાર ઘટાડે છે. કર્મ જીવને સંસારમાં ચોટાડી રાખે છે જ્યારે ધર્મ સંસારીને સંસારથી મુક્ત કરે છે. હવાભરેલ કુગો ગમે તેટલો ઉડાડો જમીન ઉપર પાછો આવશે. જ્યારે ગેસ ભરેલો ફગો હાથમાંથી છૂટો થશે તો ઉડી જશે. આ વાતને સમજવા સિદ્ધગતિએ પામેલા હસ્તિપાલ રાજાની મુલાકાત લેવી પડે. ચાલો એમની મુલાકાતે.
ભરતક્ષેત્રમાં સૌકતપુર નામે નગર છે. ત્યાં હસ્તિપાલ રાજા રાજ્ય કરે છે. તેને બુદ્ધિ નિધાન ચૈત્ર નામે મંત્રી હતો. રાજ્યના કામ માટે એ ચંપાપુરી નગરીના ભીમરાજ પાસે ગયો સંયોગ વશાત બાજુમાં શ્રી વાસુપૂજ્ય સ્વામીના દર્શન કરી એ જ્ઞાની એવા ધર્મઘોષ મુનિને વંદન કરી દેશના સાંભળવા બેઠો.
મુનિએ જે જીવ જીવદયા આદિ ઉત્કૃષ્ટ ધર્મ પાળે છે તેનો આત્મા પાપથી મુક્ત-નિર્મળ થાય છે. અનુક્રમે જન્મ-જરા-મરણ કે આધિ-વ્યાધિ-ઉપાધિથી છૂટો થાય છે. અનંત દર્શન-જ્ઞાન-ચારિત્રાદિનો સ્વામી બની લોકના અગ્રભાગે સિદ્ધ ભગવંતો જ્યાં છે ત્યાં પહોંચી જાય છે. સુર-અસુર-મનુષ્યના ક્ષણિક સુખ કરતાં ૧૮
