________________
પ્રેરણા આપી. ધનેશ્વર શ્રેષ્ઠીએ કુમા૨ને પોતાના ભૂમિગૃહમાં છૂપાવી રાખ્યો. તરત બીજે જ દિવસે રાજાનું સૈન્ય કુમારને શોધવા આવ્યું પણ નિરાશ થઈ પાછું ગયું.
કુમારને ઉપકારી ગુરૂદેવનું શરણું મળ્યું માટે તેણે પોતાનો અમૂલ્ય સમય ગુરૂની પાસે ધર્મ સમજવામાં ગાળ્યો. ફળસ્વરૂપ એ સમ્યગ્દર્શનનો જ્ઞાતા થયો. શ્રાદ્ધધર્મને સ્વીકારી ધન્ય બન્યો.
પિતા અરિદમન રાજાને પુત્રની પ્રગતિની જાણ થતાં શાંતિપુર પોતાના વિશ્વાસુ માણસોને મોકલીને પુત્રનો માનપૂર્વક પ્રવેશ કરાવ્યો. સંસારના કાવાદાવાથી વૈરાગ્યવાન થઈ શુભ દિવસે પિતા અરિદમન રાજાએ ચારિત્ર પણ લીધું.
મેરૂપ્રભરાજા નીતિપૂર્વક સેવાભાવથી પ્રજાનું પાલન કરે છે. પ્રજા નવા રાજાની પ્રસંશા કરે છે. પરંતુ અપરમાતાથી આ યશ જોવાતો, સંભળાતો નથી. ગમે તેમ તેને મારી નાખવા એ પ્લાન કરે છે પણ રાજા બધેથી બચી જાય છે. એક દિવસ અપરમાતાના પુત્રનું સમજફેરમાં આયુષ્ય પૂર્ણ થાય છે.
અપરમાતાના કાળા કર્મ જાણી રાજા વૈરાગી થયો. પોતાના પુત્રને રાજ્યના સિંહાસન ઉપર બેસાડી શુભ દિવસે અભયઘોષ આચાર્ય પાસે સંયમનો સ્વીકાર કર્યો. સૂક્ષ્મબુદ્ધિ અને ધર્મ જાણવાની તાલાવેલીના કારણે રાજા અલ્પ સમયમાં જ સમ્યગ્ જ્ઞાનનો જ્ઞાતા થયો. ગુરુએ પણ આત્મા યોગ્ય જાણી રાજર્ષિને આચાર્ય પદથી વિભૂષિત કરી શાસનની પ્રભાવના કરી.
આચાર્ય મેરુપ્રભાચાર્ય હવે જંગમ તીર્થના કારણે અનેક ગામે વિહાર કરે છે. પ્રજાને પ્રતિબોધ કરી શાસનના અનુરાગી બનાવે છે. દેશવિરતિ ધર્મ, શ્રાવકના બાર વ્રત ઉચ્ચરાવી વીતરાગી શાસનના ઉપાસક-આરાધક બનાવે છે. અનેક રાજાઓ તેઓના અનુયાયી થયા છે. દેવ-દેવી પણ તેઓની સેવા-ભક્તિ કરી જિનશાસનની હેલના થતી અટકાવે છે. બૌદ્ધ-મ્લેચ્છ રાજા-પ્રજાના આક્રમણને મેરુપ્રભાચાર્ય અનેક રીતે નિઃસ્તેજ બનાવે છે. ટૂંકમાં જિનશાનના આઠ પ્રભાવકોમાં તેઓનું નામ આદરપૂર્વક લેવાય-બોલાય છે.
આચાર્યદેવશ્રી સ્થાવર તીર્થના દર્શન કરતા, ત્યાંના તીર્થમહિમામાં અભિવૃદ્ધિ કરતાં સમેતશિખરજી તીર્થે પધાર્યા. ત્યાં સાધનાના ચરમ શિખરે આત્મોદ્ધાર કરવાની ભાવનાએ અનશન વ્રત સ્વીકારી બ્રહ્મદેવલોકમાં દેવ થાય છે. ત્યાનું આયુષ્ય પૂર્ણ કરી મહાવિદેહક્ષેત્રમાં તીર્થંકરપદ પામી અનંત અવ્યાબાધ સુખના સ્વામી થશે.
૧૬૫
