________________
સંકલ્પ-ભાવના-પુરુષાર્થમાં જ સિદ્ધિ છૂપાઈ છે. રાજાની વેદના તરત દૂર થવા લાગી. સવાર થતાં જ સંકલ્પ મુજબ રાજા તરત જ રાજ્યની વ્યવસ્થા કરી પૂ. શાંતિસૂરિ મ.ના શરણે પહોંચી ગયા. જન્મ-મરણ ઘટાડનારી ભાગવત દીક્ષા લઈ
ધન્ય બન્યા.
જ્ઞાની ભગવંતે હિતશિક્ષા આપતાં રાજાને કહ્યું, સંસાર ઘટાડવો હોય તો જન્મ-મરણ ઘટાડો. જન્મ-મરણ ઘટાડવા હોય તો કષાયોને ઘટાડો. તેના માટે ઉત્તમ પ્રકારે જ્ઞાન-દર્શન-ચારિત્રનું આરાધન તપના માધ્યમથી કરો. વીશસ્થાનક એ તીર્થંક૨૫દ દાતાર છે. તેનું આરાધન કાર્યની સિદ્ધિ અપાવશે.
કનકકેતુ રાજા હવે જાગ્રત થઈ ગયા હતા. તેણે ગુરુ પાસે આજીવન ચોથ ભક્તથી વધુ તપ અને પારણે આયંબિલ આરાધન સવિધિએ કરી ધર્મમાં સ્થિર થયા. ઘોર તપસ્યાના કારણે કનકકેતુ મુનિએ પણ ખંધકઋષિની જેમ કાયાને ગાળી નાખી. નિત્ય ઉગ્ર આરાધના કરવામાં આગળ વધવા લાગ્યા. ગોચરી પણ દોષરહિત વહોરવા જતા હતા.
મુનિની શ્રદ્ધા અને ભક્તિની પરીક્ષા કરવા વરૂણ નામે ઈન્દ્રનો લોકપાલ દેવ આવ્યો. વિવિધ રીતે ગોચરી અશુદ્ધ કરવા પ્રયત્નો કર્યા. પણ સમભાવે તપના અનુરાગી મુનિ સહેજ પણ ચલાયમાન ન થયા. છ-છ મહિનાના ઉપસર્ગ પછી મુનિએ પારણું ધનંજય શ્રેષ્ઠીને ત્યાં નિર્દોષ ગોચરી લાવી કર્યું. વરૂણદેવે પણ મુનિની પ્રસંશા કરી મહિમા વધાર્યો.
કનકકેતુ મુનિ તપ પદ ધર્મની ઉત્કૃષ્ટ આરાધન કરી આયુષ્ય પૂર્ણ કરી ચોથા દેવલોકમાં સુખના સ્વામી થયા. ત્યાથી મહાવિદેહ ક્ષેત્રમાં જિનપદ પામી ચિદાનંદ પદને પ્રાપ્ત કરશે.
૧૨૭
