________________
આનંદઘન પદ - ૬૩
૭૭
ભાવ એજ ધર્મ છે એમ કહ્યું છે. પંદર ભેદે સિદ્ધામાં અન્ય લિંગ સિદ્ધને પણ સ્થાન આપ્યું છે માટે કોઈને પણ મિથ્યાત્વી કહી - ગણી તેમને હલકા અને પોતાના ઊંચા માનવા એને જ્ઞાનીઓએ જાતિમદ કહ્યો છે. હે પ્રભુ ! આવા જાતિમદ વગેરે અનેક પ્રકારના મદને સેવી મેં અનેક પ્રકારના જીવન વિતાવ્યા.
કામી કહું નામી કહે, રોગ ભોગ માયો. નિસપતિઘર દેહ ગેહ ધરી, વિવિધ વિધ ધરાયો... ૪. કોઈક વાર લંપટ, કોઈક વાર નામધારી, કોઈવાર રોગથી ભરેલો, કોઈવાર ભોગથી તરબોળ થયેલો તો કોઈક વાર સંપત્તિ વગરનું દરિદ્રી જેવું રૂપ ધારણ કરી હું કર્મોથી અનેક અનેક પ્રકારે વિડંબના પામ્યો.
કોઈક ભવોમાં અત્યંત કામી બની દુરાચારો સેવી અંતે રોગનો ભોગ બન્યો તો કયારેક નામી એટલે ઊંચી ઊંચી પદવીઓ પામી, નામના ખ્યાતિ પામી ત્યાં અનાચાર કરી રોગનો ભોગ બન્યો.
જે તદ્દન અપરિચિત કુળ-જાતિ કે જેને પૂરવે કદી જોઈજ નથી તેવા સ્થળો અને તેવા દેહ રૂપી ઘરોમાં મારો આત્મા વનસ્પતિ કાય અને પૃથ્વી કાય જેવા શરીરમાં લોકોના હાથે વેચાયો ત્યાં મારા માન અને મદના ચૂરેચૂરા થયા, મારા પર પગ મૂકીને લોકોએ મને કચડ્યો, દબાવ્યો, અગ્નિ ઉપર શેકો, ધગધગતા પાણીમાં બાક્યો, છૂંદાયો, લસોટાયો, લોકોના જડબામાં હું ચવાયો.
વિધિ - નિષેધ નાટક ધરી, ભેખ આઠ-છાયો
ભાષા પદ્ વેદ ચાર, સાંગ શુદ્ધ પઢાયો. ૫. આનંદઘનજી કહે છે કે ગૃહસ્થ હોય કે સાધુ દરેકે જેનાથી આત્મ અહિત. થતું હોય તેવી દુષ્કૃત કરણી છોડવી જોઈએ અને આત્મ હિત સધાતુ હોય તેવી સુષુત કરણી કરવી જોઈએ. હિંસાદિ પાંચ મહાપાપો, સપ્ત વ્યસન, પંદર કર્માદાન, ૧૮ પાપ સ્થાનક તેને કરવા નહિ, કરાવવા નહિ અને કરતા ને અનુમોદવા નહિ આ રીતે પાપકરણીના નિષેધની પ્રભુની આજ્ઞા છે. તેમજ
વિષયો નથી ભોગવી શકાતા, વિષયોથી પેદા થતાં વિકલ્પો ભોગવાય છે.
