________________
આનંદઘન પદ - ૮૯
૨૩૫
અને ધરતી પર સ્વર્ગ ઉતારવા માટે તે અત્યંત ઉપયોગી છે.
આઈન્સ્ટાઈને આપેલો સાપેક્ષવાદ એ અપૂર્ણની સામે અપૂર્ણની તુલના કરતો સિદ્ધાંત છે અને તે સંસારમાં જીવવા માટે ઉપયોગી છે જ્યારે પ્રભુએ આપેલ સાપેક્ષવાદ એ અપૂર્ણની સામે અપૂર્ણને એની અપૂર્ણતા બતાવવા સાથે અને પૂર્ણનું પૂર્ણ સ્વરૂપ બતાવવા પૂર્વક અપૂર્ણ તત્ત્વ પૂર્ણતાને કેમ પ્રાપ્ત કરવી તે પણ બતાવે છે જે મોક્ષે જવા માટે ઉપયોગી છે, જેને આઈન્સ્ટાઈન બતાવી શક્યા નથી કારણ કે તે વીતરાગ સર્વજ્ઞ ન હતા પણ તેમના તે કાળની અપેક્ષાએ તેઓ વિશેષા જરૂર કહી શકાય. સંસાર એ સાપેક્ષ સત્ય છે અર્થાત તેની સત્યતા દેશ કાળને અવલંબે છે. અમુક દેશ અને અમુક કાળની અપેક્ષાએ સંસારના પદાર્થો અને ભાવો સત્યતાને પામે છે પણ તે નિરપેક્ષ સત્ય નથી. ત્રિકાળ અબાધિત સત્ય નથી. જયારે મોક્ષ જે પૂર્ણાનંદ સ્વરૂપ છે તે નિરપેક્ષ સત્ય છે અને તે ત્રિકાળ અબાધિત સત્ય છે.
યોગીરાજ કહે છે કે આ સંસારમાં જે સ-અસત્ ગુણ - અવગુણ, જય-પરાજ્ય, લાભ-નુકસાન, શુભ-અશુભ આ બધું દેખાય છે, અનુભવાય છે તે પ્રકૃતિના ધર્મો છે કે ઈશ્વરના ધર્મો તે તમે શાંત ચિત્તે નિષ્પક્ષપણે બરાબર વિચારો. જો ઈશ્વરના ધર્મો કહેશો તો ઈશ્વરને તો જગતમાં પરમ દયાળુ અને પરમ કૃપાળુ માનવામાં આવ્યો છે. આ વિશ્વમાં રહેલ તમામ જીવાત્માઓ તો. એના બાળકો જેવા છે તો ઈશ્વર શું પોતાના બાળકોને જન્મ-મરણ-રોગ-શોક-વૃદ્ધત્વ-માન-અપમાન-ઉલ-નરક-તિર્યંચ આ બધુ આપે ? આવું ખટપટી તંત્ર રચવાનું કારણ શું ? સારી અને ખરાબ ગતિઓ કેમ બનાવી? કોના માટે બનાવી? કોઈ રોગી, કોઈ નિરોગી, કોઈ શ્રીમંત, કોઈ દુર્બળ, કોઈ સબળ, કોઈ લોભી, માની, માયાવી, ચોર, ડાકુ, લુચ્ચા, કોઈ બંગલાવાળા, કોઈ ઝુંપડાવાળા દેખાય છે. આવી કઢંગી રચના ઈશ્વરતો ન જ કરે. તો પછી આ બધી વિષમતાનો કોઈ કર્તા તો અવશ્ય હોવો જોઈએ. આ કોયડો આજ સુધી અણઉકેલ્યો રહેવાનું કારણ શું? તો એકજ છે. મનુષ્ય માત્રમાં જ્ઞાન હોવા છતાં એની જાણકારીનું અભિમાન એને જાણવા દેતુ નથી.
ઉપયોગનું મુખ વૃત્તિ કે પ્રવૃત્તિ તરફ નહિ પણ સ્વરૂપ તરફ હોવું જોઈએ.
'
