________________
ઉપ૦
આનંદઘન પદ - ૧૦૭
બડભાગી બનવાની એંધાણી છે.
બહુ ફુલી ફેલી સુરુચિવેલ, જ્ઞાતા જન સમતા સંગકેલ...૩.
હીન એવી કુવિચારણાઓ ઘટી અને સુવિચારોનીધારા અંતરમાં વહેતી થઈ ગઈ. ચિત્તભાવ વૈરાગ્ય વાસિત થયો. કુરૂચિ એટલે પ્રમાદભાવ હટ્યો. રૂચિમાં નિર્મળતા - પવિત્રતા જેમ જેમ પ્રગટતી ગઈ તેમ તેમ સુરૂચિ રુપ વેલડીઓ ફુલતી ચાલી અને ફેલી એટલે ફેલાતી એવી તે ચારેકોર પ્રસરવા લાગી.
જેમ જેમ સુરૂચિભાવ વધે તેમ તેમ ધ્યાનસ્થ પ્રભુ મુદ્રામાં રહેલા સાધકને સમાધિરસથી ભરેલ સાગર અંદરમાં હિલોળા લેતો હોય તેવું અનુભવાય છે. આવા સમાધિરસમાં મગ્ન યોગીની મુખ-મુદ્રામાં પ્રભુની પ્રભુતાઈ જેવું તેજ ચમકે છે. પ્રભુ મુદ્રાના અવલંબને પોતાના જ્ઞાનાદિ અમુલ્ય રત્નોની ઓળખમાં વૃદ્ધિ થતી જાય છે.
ચેતન્યસ્વરૂપ આત્મામાં સુરૂચિ પ્રગટાવનાર કોણ? તો કહે છે કે પ્રથમ સુવિચારણા અંતરમાં પ્રગટી પછી સુરૂચિ તરફ ભાવ આકર્ષાયા તેના પ્રભાવથી દિશાઓ ખુલી ગઈ. અંતરની ગહેરાઈની - ઉંડાણની પણ સમજણ પડવા લાગી. સત્યની શોધનો માર્ગ ખુલવાથી જ્ઞાનની વંસત ખીલી ઉઠી. સુરૂચિભાવ જાગવાથી જ્ઞાનરૂપી વેલડીઓ ફુલી એટલે નવા પાન આવવાની શરૂઆત થઈ અને ચારેબાજુ તે પ્રસરવાની શરૂઆત થઈ.
(જ્ઞાતા જન સમતા સંગ કેલ) - યોગીરાજ આનંદઘનજી આત્માના વિકાસને વસંતઋતુની સાથે ઘટાવી જ્ઞાનગુણનુ અને જ્ઞાતાજનોનુ બહુમાન કરતા કહે છે કે જ્ઞાન-જ્ઞાની અને જ્ઞાતા આ ત્રણેનું એકય થાય તેવા અનુભવી જ્ઞાનસાગરના સાગરખેડૂઓજ પ્રભુના પ્યારા બને છે. જમીનના ખેડનારા ખેડુતને જગતનો તાત ગયો છે કારણ કે તે ખેતી કરવા દ્વારા જેમ જગતને અનાજ આપી જીવાડે છે તેમ જ્ઞાનસાગરના ખેડૂઓ પણ જગત ઉપર ઉપકાર કરતા હોવાથી ભૂલેલાને રાહ ચીંધતા હોવાથી જગત તેમને બહુમાનભાવ અને અહોભાવની નજરે જુવે છે. નિર્મળ જ્ઞાનદશા પ્રગટી છે તેવા આત્માઓ નિરંતર અનંતકાળમાં જેટલો ક્રિયા ઉપર ભાર મૂકાયો છે એટલો સમજ ઉપર નથી મૂકાયો.
