Parampaddai Anandghan Padreh Part 02

Author(s): Suryavadan T Zaveri
Publisher: Shreyaskar Andheri Gujarati Jain

Page 418

પરિશિષ્ટ - ૪
પદ - ૯ અનુલક્ષિત પરિશિષ્ટ - ૪
ચેત મછંદર ગોરખ આયા” એ ચીતિસૂત્ર ઉપર અનુપ્રેક્ષા
ચેન્ મછંદર ગોરખ આયા - ચેત મત્યેન્દ્ર ગોરક્ષ આયા. આ સંબોધનનું તાત્પર્ય એ કહે છે...
હે ચેતન ! હે ચેતસ ! હે ચેતસી ! હે ચેતક ! તું જાગ ! તું જાગ ! તું મહામોહ નિદ્રામાંથી જાગૃત થા ! તારું ભવાભિનંદિપણું છોડી તું તારી વિસ્તરેલ મહામાયાજાળમાંથી બહાર આવ. કોશેટો દૂર કર ! અનાદિ અનંતકાળથી તું સત્તાથી સિદ્ધ સમ છો, પૂર્ણ છો, અનંત ચતુષ્ટયથી યુક્ત છો. અનંત પ્રભુત્વ તારું બીડાયેલ નથી. તું અનંત શકિતનો ધણી છે. ચૈતન્યમાં રમનારા, રમણતાના દેવ તું તારા સ્વરૂપપણામાં પાછો આવ.
હે અનંતગુણના ભંડાર આત્મન તું પિંડ બ્રહ્માંડની માયામાં ક્યાં રમે છે ! પર્યાયમાં વિશેષભાવની અશુદ્ધિ તો તને કોરી ખાશે. તું સ્વરૂપલક્ષી થા ! તારા સ્વરૂપરમણતામાં - અસ્તિત્વમાં, અનંત બ્રહ્માંડની સમૃદ્ધિ માયા શી વિસાતમાં? હવે આ માયાનો આંચળો છોડ અને તું તારા મૂળ મૌલિક સ્વરૂપમાં આવ ! ઉત્તિર્થી - ઉરિષ્ઠ - ઉઠ જાગૃત થા?
ચપ ચપ રણકતો ગોરખનાથનો ચિપીયો ઉપર મુજબનો ગુપ્ત સદિશ ગુરૂ મત્યેન્દ્રનાથને આપી રહ્યો હતો. વળી આગળ કહે છે કે તું તારા અધિષ્ઠાન ચૈતન્યતત્વમાં લીન કેમ થતો નથી ? તું સૂક્ષ્યકાળ સમય માત્ર પણ પ્રમાદને સ્પર્શ નહિ. હે જીવંત ચેતના ! હે સંજીવની વિદ્યામંત્રના ધારક યોગાચાર્ય ! નાથ પરંપરાના આદર્શોનું વિસ્મરણ તને કેમ થયું? ગુરૂ આદિનાથમાં અંતર્ભત થયેલ હે પૂર્ણ ચેતના ! હવે તું પરસમસને છોડીને સ્વસમયમાં આવ, માયાના આ વિશાળ વિસ્તારને છોડ, આ ગોરક્ષ તને હવે અહીંથી લીધા વગર પાછો . જશે નહિ. આમ ઉભી બાંગ દ્વારા ગોરક્ષનાથ પુકારી રહ્યાં હતાં.