________________
આનંદઘન પદ - ૧૦૦
૩૧૯
ઉપકારથી વાળતાં હતાં. એ તો આનંદઘન - આનંદના સમુહ રૂપ હતાં તેથી પોતે આનંદમાં રહેતાં અને અન્ય સંપર્કમાં આવનારને આનંદમાં રહે તેવો જ વર્તાવ કરતાં હતાં. એ સન્માર્ગી, સના સ્વામી સનાતની લોકો સનાતન એવાં પ્રભુના માર્ગે જ ચાલવાનું રાખતાં હતાં અને પ્રભુના માર્ગમાં પ્રભુને યાદ રાખી સર્વ સંપર્કમાં આવનારા જીવોને પ્રભુ સ્વરૂપ લેખી તે સર્વેને પ્રભુના માર્ગે ચાલવાનાં - આગળ વધવામાં સહાયરૂપ થતાં અને ભલાઈ કરીને પણ ભૂલી જઈ, પ્રભુને સમરતાં સમરતાં પ્રભુ બનવાના માર્ગે આગળ વધતા રહેતાં હતાં. યોગીરાજ કહે છે કે તમે સજ્જન થવા ઈચ્છતા હો તો સંત સમાગમ કરો. એમાં કશુજ ગુમાવવાનુ નથી, ત્યાં એકાંતે લાભ જ છે. પાપિષ્ઠ પ્રવૃતિ કરનાર આત્મા ભવાંતરમાં જ્યાં જશે ત્યાં દુ:ખદ વેદનાઓ ભોગવતા પૂર્વજન્મના કોઈ તારા સંબંધીઓ સહાય કરવા નહિ આવે. ત્યાં તો જીવે કરેલા પાપ પોતે જાતે જ ભોગવવા પડશે. આવી સંસારની બધી પ્રવૃતિઓ અમંગળ છે. સત્સંગ જીવને સાચા ખોટાનો ભાન કરાવી જગાડે છે.
આનંદઘનજીએ પ્રભુ પ્રાપ્તિનો જે માર્ગ લીધો છે તે માર્ગે પૂર્વ પુરૂષો પણ ચાલેલા છે, વર્તમાનમાં પણ જે કોઈ પણ આ માર્ગે ચાલશે તે પ્રભુ પ્રત્યેની પ્રેમલક્ષણા ભકિતનુ પાન કરશે. આનંદઘનજીને હાલતા ચાલતા પ્રભુના ગુણોનું રટણ રહેતું હતું તેમ આનંદઘન પ્રભુના પ્રેમી ભકતના હૃદયમાં પણ પ્રભુના ગુણોનું રટણ હાલતા ચાલતા રહ્યા કરશે તો પવિત્રતાની નિરંતર વૃદ્ધિ થયા કરશે.
s
જે સ્વયે વર્ધમાન હોય, જેઠો ભોગવો કરતાં વૃદ્ધિ થતી જતી હોય અને અંતે નીરિહીતા-ભૂકામમાં પરિણામતું હોય તેવે સુબ કહેવાય.
જ્ઞાન તેના મૌલિક સ્વરૂપમાં નિર્વિકલ્પ આક્રમક છે.
