________________
આનંદઘન પદ - ૮૩
વળી સુણ સુણ શુભકામી એટલે અધુરી રહી ગયેલી ઈચ્છાઓની પૂર્તિ કરવાના ભાવવાળા સાધુ પુરુષો તમે સાંભળો કે તમારી કામનાઓનો ભોગવટો કરવા તે દેવી સ્વર્ગપુરીમાં પણ તમારી સાથે રહી તમને સહાય કરશે માટે હે આત્મા ! તું ચૂકીશ નહિ. હે મારા સાહ્યબા ! તમે પણ ચૂકશો નહિ. જ્ઞાનની ભકિત સમ્યભાવથી કરી લેવાનો આ મેંઘામૂલો અવસર પ્રાપ્ત થયો છે.
તીર્થંકર પરમાત્માના અતિશયો - સમવસરણ ત્રણ ગઢ - ધર્મ ધ્વજ ધર્મચક્ર અષ્ટ પ્રાતિહાર્ય રૂપ છત્ર-ચામર-ભામંડળ-સિંહાસન-અશોકવૃક્ષસુરપુષ્પવૃષ્ટિ, દિવ્યધ્વનિ - બારે પર્ષદા આ બધુ જોઈને વિષ્ણુની પત્ની લક્ષ્મી દેવીએ પ્રભુને પોતાના સ્વામી માન્યા છે. પ્રભુના વિહાર વખતે વૃક્ષો નમી રહ્યા છે. પક્ષીઓ પ્રદક્ષિણા આપી રહ્યા છે. કાંટા ઊંધા મુખવાળા થઈ રહ્યા છે. ચારે બાજુ દુષ્કાળ - રોગ - મારી મરકી વગેરે ઉપદ્રવો નાશ પામી રહ્યા છે. પ્રભુને પગલે પગલે સુવર્ણ કમળો પ્રભુના પદાર્પણ માટે રચાય રહ્યાં છે.
માટે હે ચેતન ! હે મુકિતપુરીના ગામી ! હે મુક્તિપુરીના નાથ ! તને નિષ્કામ કર્મ કરવા માટે અથવા શુભ પ્રકારની એવી અતિશયવાળી પુન્યાઈ રૂપ કામનાઓની પૂર્તિ કરવા તને આ માનવભવ આર્યક્ષેત્ર - ઉત્તમ સાધન સામગ્રીઓ તેમજ સાધુ સંતોની જોગવાઈઓ પ્રાપ્ત થઈ છે તેને તું રોજિંદા બનાવજે એટલે પ્રત્યેક વર્તમાન સમય ભારે કિંમતી છે. લાખો ખરચતા એક ક્ષણ હાથમાં આવતી નથી એમ સમજી વર્તમાનમાંજ રહેજે. પ્રત્યેક ક્ષણમાં જાગૃત રહેવા રૂપ ઋજુસૂત્ર નયનો રોકડિયો વહેપાર કરજે. ભૂત ભાવિની કલ્પનાઓમાં રહીને તું વર્તમાનને બગાડવા રૂપ દેવાળિયો વહેપાર ન કરજે. જો તું આમ કરીશ તો પછી તારે ડુબવાનો વખતજ નહિ આવે. અનંતો ભૂતકાળ આજે નષ્ટ થયો છે, ભવિષ્ય અનુત્પન્ન છે માટે વર્તમાનનેજ સાચવજે. આવી હિતશિક્ષા મહાત્મા આનંદઘનજી પોતાના આત્માને આપી રહ્યા છે જે આપણને પણ લાગુ પડે છે.
દૃઢ સંતોષ કામામોદશા - સાધુ સંગત દૃઢ પોળ હો પોલિયો વિવેક સુજાગતો
આગમ પાયક તોલ હો....૨.
૧૯૩
-
ચિત્તશુદ્ધિના લક્ષ્ય વિહોણી ક્રિયા એ માત્ર ક્રિયા જ રહે છે.
