________________
આનંદઘન પદ - ૮૫
૨૦૯
આનંદઘનજીની સમતા દેવી કહે છે કે પ્રભુના વિરહમાં - અરિહંતા પરમાત્માના વિરહમાં ભદ્રબાહુ સ્વામી વગેરે યુગપ્રધાન આચાર્ય ભગવંતો પ્રભુની પાટને દીપાવનાર છે. સૂર્ય સમાન તીર્થકરો અને ચંદ્ર સમાન ગણધર ભગવંતોની ગેરહાજરીમાં દીપક સમાન આચાર્ય ભગવંતો શાસનની ધુરાને વહન કરનાર છે અને શાસનની પરંપરાને આગળ વધારનારા છે. તેથી તેઓ શાસન પરંપરાવાહક - શાસન ધૂરાધારક કહેવાય છે. તેઓના આત્મહિતકર મધુર વચનોના ઉપદેશામૃત ઉપર હું ઓવારી ગઈ છું, ફીદા થઈ ગઈ છું તેવા વિશિષ્ટકોટિના સૂરિજન વિના હું જે કાર્યની શોધમાં નીકળી છું તે કાર્ય અન્ય કોઈ નામધારી આચાર્યથી પ્રાપ્ત થઈ શકે તેમ નથી. મતભેદમાં પડેલા અને મત-મતાંતરોમાં રાચતા આચાર્ય ભગવંતોથી ઈષ્ટસિદ્ધિ થાય તેમ નથી માટે તેવા આચાર્યાદિ ભગવંતો મને ઈષ્ટ લાગતા નથી.
અહિંયાતો મન-બુદ્ધિ-ચિત્ત-અહંકાર-પ્રાણ-વચન અને દેહથી ભિન્ન એવા. પરમતત્ત્વને પામવા યોગીરાજ નીકળેલા છે. એ જેનાથી પમાય તેવા યુગપ્રધાન આચાર્ય ભગવંતો તેમજ બીજા પણ તેવા વિશિષ્ટ કક્ષાના આચાર્ય ભગવંતો કે જેમની વાણી કોઈ પણ જાતના ખંડન-મંડનમાં પડ્યા વિના સીધાજ પરમતત્વને પકડાવે છે તેવી વાણી ઉપર તે ફિદા થઈ ગયા છે. મતભેદોમાં રાચનારા અને ખંડનમંડનમાંજ બદ્ધિના આટાપાટા ગુંથનારા કોઈ પણ હોય પછી તે ન હોય કે જેનેતર હોય તે દરેકને માટે પરમ તત્વની પ્રાપ્તિનો માર્ગ દૂર-દૂર રહ્યો છે. ઉત્તમકોટિના સાચા આચાર્યાદિ ભગવંતોની વાણીમાં વીતરાગી એવો પરમ શાંત રસ ઝરતો હોય છે જેને સાંભળીને મુમુક્ષુઓ તૃપ્ત થાય છે અને પોતાના ભવભ્રમણના થાકને દૂર કરે છે.
વચનામૃત વીતરાગના પરમ શાંતરસ મૂળા
ઔષધ જે ભવરોગના કાયરને પ્રતિકૂળ. મેરે મનકું જપ ન પરત હૈ બિનુ તેરે મુખ દીઠs, પ્રેમ પીઆલા પીવત લાલન સબ દિન નીઠડે. વારિહું...૨. આનંદઘનજી કહે છે કે મારા આંતર મનને પણ એવી તાલિમ આપવામાં
જે છૂટવા માટે જીવે છે તે બંધનમાં આવતો નથી.
