________________
૧૦.
આનંદઘન પદ - ૬૭
અનંત હોય છે. આ અનંત ગુણ પર્યાયત્મક પરમાત્મ દ્રવ્યને જુદા જુદા દષ્ટિકોણથી જોતાં તેના અનેક નામોથી કહેવાપણું તે ઘટી શકે છે. પરમાત્માને તમે ગમે તે નામથી વાચ્ય કરો પણ તેનામાં ગુણ શક્તિનો આવિર્ભાવ તો છે જ. તેથી પરમાત્માના અનંતગુણ પર્યાયોમાંથી કોઈ એક એક ગુણને આગળ કરી તેને કરૂણા સાગર, સમતા સાગર, જ્યોતિધર, શિવ, શંકર, વિષ્ણુ, બ્રહ્મા, મહાવીર, રહેમાન, ખુદા, કૃષ્ણ વગેરે નામથી બોલી શકાય છે, કહી શકાય છે. કોઈ પણ નામથી તમે પરમાત્માનું સ્મરણ, રટણ કીર્તન કરો તે વખતે તેનામાં અનંતગુણોતો રહેલા છે જ. તેનો અપલાપ કોઈ પણ સુજ્ઞ જન કરી શકે તેમ નથી.
અનંતગણોના સમુદાય રૂ૫ અખંડ પરમાત્મ દ્રવ્યના પ્રતિ સમયે પ્રગટતા અનંત અનંત પર્યાયમાંથી કોઈ એક પર્યાયને આગળ કરી તેને જુદા જુદા નામે કહેતા આખરે તો તેનુ અખંડ પરમાત્મ સ્વરૂપજ દષ્ટિગોચર થાય છે.
યોગીરાજ આનંદઘનજીએ બતાવેલ વિધિથી કોઈના પણ અવગુણ તરફ દૃષ્ટિ ન રાખતા દરેકમાં રહેલ કોઈ એક મહાન ગુણ તરફ ભલી દૃષ્ટિથી જોઈ તેના ગુણોમાં તદાકાર - તન્મય બની જે પોતાનામાં તેને ગ્રહણ કરશે તે હળકર્મી બની પોતાના આત્માને પોતાનામાંજ પરમાત્મ સ્વરૂપે નિહાળશે. નિરાકાર અભેદ તત્ત્વના સાકાર સ્વરૂપે અવશ્ય દર્શન પામશે.
નિજ પદ રમે રામ સો કહીએ, રહિમ કરે રહિમાન રી કરણે કરમ કહાન સો કહીએ, મહાદેવ નિર્વાણ રી...૩. નિજ સ્વરૂપમાં રમણ કરે તે રામ કહેવાય છે. બીજા ઉપર મહેર કરે – કૃપા કરે તે રહેમાન કહેવાય છે. કર્મોને જે ખેંચી કાઢે તે કહાન - કૃષ્ણ કહેવાયા છે અને મહાદેવ તો સાક્ષાત્ નિર્વાણ હોય છે.
જુદા જુદા નામોથી જગત જેમને ભજી રહ્યું છે તે બધા બ્રહ્મ સ્વરૂપ પરમાત્માના નામ ભેદો છે. તત્વદૃષ્ટિથી બ્રહ્મસ્વરૂપ અરૂપી અને અનામી છે. જગત અનાદિકાળથી અજ્ઞાનથી ઘેરાયેલું છે. અખંડ તત્ત્વને ખંડ રૂપે વિવિધ નામ અને વિવિધ આકાર રૂપે સ્થાપી તેને ભજી રહ્યું છે અને પોતાને માન્ય
બોઘની નિર્વકલ્પતાજ બોધની સૂક્ષ્મતા છે.
