________________
અજોડ શાસન પ્રભાવિકા D ગણિવર્ય શ્રી નિત્યાનંદવિજયજી તથા મુનિવર્ય શ્રી ધર્મધુરંધરવિજયજી
•
ગુરુ વલ્લભના સમુદાયનાં અજોડ શાસન પ્રભાવિકા, જિન શાસન રૂપી ગગનનાં અદ્વિતીય તેજસ્વી તારિકાનું આમ એકાએક ખરી જવું અત્યંત દુ:ખદ છે. આ ક્ષતિ ગુરુ વલ્લભના સમુદાયને જ નહિ, પરંતુ સમસ્ત જૈન સમાજને જ પહોંચી છે.
ગુરુ આત્મારામજીનું સાહસ, ગુરુ વલ્લભસૂરિની દૂરદર્શિતા અને ગુરુ સમુદ્રસૂરિની ગુરુભક્તિનો ત્રિવેણી સંગમ થવાથી મૃગાવતીજીનું જીવન તારક તીર્થ રૂપ બન્યું હતું.
સ્વર્ગવાસી ગુરુદેવો પ્રત્યેની એમની શ્રદ્ધા અને સમર્પણની ભાવના અનુકરણીય હતી. ગુરુ વલ્લભનું નામ એમનાં રોમેરોમમાં વસેલું હતું. વલ્લભસ્મારકનું નિર્માણ એમનો શ્વાસોચ્છવાસ બની ગયું હતું. અસાધ્ય વ્યાધિની અસહ્ય વેદના હોવા ઉપરાંત મચ્છર-ડાંસ વગેરેના પરીષહ સહન કરતાં કરતાં એમણે જીવનના અંતિમ શ્વાસ સુધી સ્મારક ભૂમિ ન છોડી, જે એમની આદર્શ ગુરુભક્તિનું પ્રત્યક્ષ પ્રમાણ છે. વલ્લભ સ્મારકના કાર્યને ઝડપથી પૂર્ણ કરીએ એ જ સાચી શ્રદ્ધાંજલિ હશે.
આ અકલ્પિત ઘટનાથી ભલભલાનું મન વિચલિત થઇ જાય એ સ્વાભાવિક છે. પરંતુ તમે જાણો જ છો કે, જયારે પરમાત્મા મહાવીરે પણ પોતાની જીવનદોરીને લંબાવવા અસમર્થતા બતાવી તો આપણી શી વિસાત? શાસન દેવ એમના આત્માને પરમ શાંતિ આપે એ જ અંત:કરણની પ્રાર્થના છે.
મહત્તરા શ્રી મૃગાવતીશ્રીજી
