________________
માટે આજ્ઞા આપે. પૂજય સાધ્વી ગુણીજી મહારાજો પણ પોતાનાં શિષ્યા-પ્રશિષ્યા સાધ્વીજી મહારાજોને આગળ વધારવા, અભ્યાસી બનાવવા નિશ્ચય કરે. તેજસ્વી સાધ્વીજી મહારાજો પણ સ્વકલ્યાણાર્થે પૂજય ગુરૂદેવો અને ગુણીજી મહારાજના ચરણોમાં નમ્રભાવે આ માટે વિજ્ઞપ્તિ કરે અને સાધ્વીસંઘ સ્વયમેવ સ્વોન્નતિના શિખરે પહોંચવાની હિંમત અને ભાવના કેળવે!
આપણા સાધ્વીસંધમાં તેજસ્વી અને વિદુષી સાધ્વીઓ સેકડોની સંખ્યામાં તૈયાર થાય તેવી શકયતા છે. જરૂર ફક્ત તે દિશામાં સમજણપૂર્વક પ્રયત્ન કરવાની છે.
અમુક સાધ્વીજી મહારાજોમાં તો અભ્યાસની, વિદ્યાપ્રાપ્તિની લગન અને શાસ્ત્રાભ્યાસની તીવ્ર ઈચ્છા પણ જોવામાં આવે છે, પરંતુ તેઓને તે માટે અનુકુળતા મળતી નથી. આ માટે શ્રી સથે ખાસ વ્યવસ્થા, વિશેષ સગવડ વહેલી તકે ઊભી કરવાની અતિ આવશ્યકતા છે. - ભારતની રાજધાની દિલ્હીની નજીક શહેરથી દૂર પ્રશાન્ત વાતાવરણમાં ખેતરોની હરિયાળી વચ્ચે. પ્રકૃતિના સાન્નિધ્યમાં પૂજય યુગદ્રષ્ટા અજ્ઞાનતિમિરતરણી આચાર્યશ્રી વિજયવલ્લભસુરીશ્વરજી મહારાજનું મહાપાવન સ્મારક બની રહ્યું છે. એમાં શ્રી ભોગીલાલ લહેરચંદ નામથી એક શોધપીઠ પણ ચાલે છે. તેમાં ઉચ્ચ અભ્યાસીઓ સંશોધન સંપાદનનું કાર્ય કરી શકે, બાકી નાનાં નાનાં સાધ્વીજી તથા દીક્ષાર્થી બહેનો માટે સંસ્કૃત, પ્રાકૃત, વ્યાકરણ, કાવ્ય, સાહિત્ય, ન્યાય વગેરેના ધાર્મિક અભ્યાસની પૂર્ણ સગવડતા કરવામાં આવી છે. દીક્ષાર્થી બહેનો માટે ઓછામાં ઓછા ત્રણ વર્ષ અને વિશેષ અભ્યાસ માટે પાંચ વર્ષનો અભ્યાસક્રમ નિયત કરવામાં આવે. આગમોના અભ્યાસમાં શ્રી દશવૈકાલિકસૂત્ર, નદીસૂત્ર, અનુયોગદ્વારસૂત્ર, શ્રી ઉત્તરાધ્યયનસૂત્ર તેમ જ આચારાંગસૂત્ર આદિ અંગોના, દર્શન શાસ્ત્રોના, યોગના ગ્રંથોનો, કાવ્ય, સાહિત્ય, વ્યાકરણનો, સંસ્કૃત-પ્રાકૃત આદિ વિષયોનો તે તે વિષયના નિષ્ણાત પંડિતોને રાખીને અભ્યાસની વ્યવસ્થા થાય તો ન ધારેલું એવું સુંદર પરિણામ આવે. આ માટે વિદ્વાન શ્રાવકોની એક કમિટી બનાવવી જોઇએ જે સાધ્વીજી મહારાજો સંયમયાત્રા સાથે સ્વસ્થતાપૂર્વક જ્ઞાનાભ્યાસ કરી શકે તે વિશે જરૂરી વ્યવસ્થા કરે.
આપણે ત્યાં પૈસાની કમી નથી, ઉત્સવો અને બીજાં કાર્યોમાં ઉદારતાથી દ્રવ્ય વપરાય છે. ધર્મકાર્યો યોગ્ય કાળે યોગ્ય ક્ષેત્રે ભલે થતાં રહે, પરંતુ આ કાર્ય અતિ મહત્ત્વનું છે. આ દિશામાં સ્થાનકવાસી શ્રી સંઘે ઘાટકોપરમાં શ્રમણી વિદ્યાપીઠની સ્થાપવાનું ઘણું સુંદર કાર્ય કર્યું છે. તે સરાહનીય, અભિનંદનીય છે.
ગૃહસ્થો પોતાનાં વહાલાં બાળકોને ભણાવવા માટે બોર્ડિંગમાં, પાઠશાળામાં અને વિદ્યાલયોમાં છેક પરદેશ સુધી મોકલી શકે તો પૂજય સાધ્વીજી મહારાજો પોતાની શિષ્યાઓને વિઠ્ઠીઓ બનાવવા ૨૦-૨૫ કે ૫૦-૧૦૦ માઇલ કેમ ન મોકલે ? જરૂર મોકલે. જેથી તેઓનું જીવન મહાન બને અને સંધનું હિત સધાય. દેશને ધર્મપ્રચારના ઉપકારનો લાભ મળે. અભ્યાસાર્થ સાધ્વીસંઘના ગુરુણીજી મહારાજોને આથી વધુ શું વિનંતી કરું?
મહત્તરા શ્રી મૃગાવતીશ્રીજી
૧૪૯
