________________
૩૦- ૮- ૧૯૭૭ સાધ્વીરત્ન શ્રી મૃગાવતીશ્રીજી ખરેખર તો આપના નામની અંદર જ જૈન ઇતિહાસની એક પ્રાચીન જયોતિર્મયી ગરિમા રહેલી છે. શાન્ત, શુચિ, સૌમ્ય જીવન, મૂદુ વાણી અને વ્યવહાર, હૃદયના ઊંડાણને સ્પર્શી જનાર પ્રવચન ધારા, વિખરાયેલા મનને જોડી આપનાર સ્નેહભીનું ચિંતન, સંપ્રદાય વિશેષમાં રહીને પણ સાંપ્રદાયિક દુરાગ્રહોથી મુકત એવા આદરણીય સાધ્વીજી ! આપનું વ્યકિતત્વ અદ્ભુત છે! જૈન સંઘ, કોઈ પણ પ્રકારની સાંપ્રદાયિક ભેદબુધ્ધિ વગર આ જયોતિર્મય સાધ્વી માટે યુગયુગ સુધી ગૌરવ અનુભવશે. યશસ્વી ચિરજીવન માટે હાર્દિક શુભકામના. -ઉપાધ્યાય અમર મુનિ. (વીરાયતન, રાજગૃહી, બિહાર).
જય ગુરુદેવ સૌજન્યમૂર્તિ, શાંત સ્વભાવી, વાત્સલ્ય વારિધી, શાસનદીપિકા, સદા આનંદી, શાસન ચંદ્રિકા, પ્યારી બહેનજી શ્રી મૃગાવતીજી અને તમારી શાંત, દાંત અને ગુણગંભીર શિષ્ય મંડળીને સ્નેહસ્મરણ. આજે અચાનક આ અક્ષરો વાંચી તમારે તમારી સ્મૃતિને થોડી તકલીફ આપવી પડશે કારણ કે, આપણાં સ્નેહમિલનને ઘણાં વર્ષો વીતી ગયાં છે. આપે હજારો માઈલના વિસ્તારને આપના ચરણાવિંદથી પાવન કરેલ છે. અનેક ભકતોને પાવન કરેલ છે. અનેક સમાજોપયોગી કાર્યો કરી ભકતોના હૃદયમાં અજોડ સ્થાન પ્રાપ્ત કરી ચૂકયાં છો! અનેક ગુરૂભકિતનો કેવો અદ્ભુત મહિમા છે ! અનેક ગુરુભકતોના મનમાં આપે ચમત્કાર સર્જી દીધો છે. આપના સ્વભાવની મધુરતા, કાર્યદક્ષતા, ઉદારતા, વાણીની સૌમ્યતા ખરેખર એક આદર્શરૂપ છે. વર્ષો વીતી ગયાં છે, છતાં અમે તમને ભૂલી નથી શકયાં. આપના સમાચાર સૌજન્યમૂર્તિ ભાઈ શ્રી વજુભાઇ બદાણી મારફત મળતા રહે છે. તમારા સમાચાર સાંભળી મન ખુશીથી ભરાઈ જાય છે. વ્યકત કરવું મુશ્કેલ છે! અનુભવની વાત છે. આપણું મિલન એ ખરેખર અદ્ભુત યોગ હતો. જે સદાયને માટે યાદ રહી જશે. અત્યારે સાક્ષાત મળવાનું તો શકય લાગતું નથી, છતાં જયારે જયારે તમારું સ્મરણ થાય છે. ત્યારે પાસે પાસે બેઠાં હોઈએ એવી લાગણી થાય છે. તમારું સ્વાથ્ય સર્વદા કશળ રહે એવી અંતરની મંગલકામના છે. તમારી શિષ્યમંડળી પણ આનંદમાં હશે. થોડા સમય પહેલાં આપની નાદુરસ્ત તબિયતના સમાચાર વર્તમાનપત્રમાં વાંચ્યા હતા. ખૂબ જ ચિંતા થાય છે. શાસનદેવની કૃપાથી ગુરુભગવંતોની અનંત દયાથી આપનું સ્વાથ્ય પુન: સારું થઈ જાય એવી પ્રાર્થના છે. સમય સમય પર તમને યાદ કરનાર તમારી બહેન, સાધ્વી પ્રમોદ સુધા.
મહત્તરા શ્રી મગાવતીશ્રીજી
૧૬૧
