________________
૯-૧-૧૯૮૪ ચિ. પ્રિય ભાઇ અનીશ, સાદર ધર્મલાભ ભાઇ, તમને જોયા નથી છતાં પત્ર લખવાનો ભાવ થયો છે. મેં છેલ્લા પત્રમાં શ્રી શૈલેશભાઈને લખેલ કે ત્રણે બાળકોને લેતાં આવશો. આ વખતે મેં મમ્મી અને પાપાને કહ્યું છે. તમને સૌને જોવાનું ખૂબ જ મન છે. જે પ્રભુની કૃપાથી અંજળ પૂરું થશે. દૂર બેઠાં મને તારું તેજસ્વી જીવન તેQી વાતો સાંભળી આનંદ થાય છે. તમો તથા બેન સેજલ બન્ને બે દિવસ આવી જશો. ખૂબ જ આનંદ થશે. વિશેષ વાતો રૂબરૂમાં. તમો ત્રણે ભાઇબહેન ભણવામાં ખૂબ ધ્યાન રાખશો. ખૂબ જ મહાન બનો એ જ મારા હાર્દિક આર્શીવાદ છે. પ્રાતઃ નવકારમંત્ર હમેશાં ગણવા અને ઉપર જે નામ લખેલ છે તે નવ વાર નામ લેવું. ખૂબજ ભણો. હોંશિયાર થાઓ. શુભશિષ સાથે. લિ. સાધ્વી મૃગાવતીના સાદર ધર્મલાભ શ્રી વલ્લભ સ્મારક, દિલ્હી
• ૧૨- ૧- ૮૬ ચિ. પ્રિય બેન સેજલ સાદર પ્રણામ બેન, હવે તું સાસરે જઈ રહી છો. હવે બાળપણના દિવસો ખૂબ જ લાડમાં વિતાવીને એક નવી ગૃહસ્થાશ્રમની અજાણભૂમિમાં પ્રવેશ કરી રહી છો. તારો આ મંગળમય સાનંદ સફળ હો ! હર પ્રકારે સુખી રહો ! મમ્મી અને પપ્પાને ખૂબ જ લાગશે, પણ તું ડાહી છો. તેઓ ફિકર ન કરે તેમ કહેજે. પપ્પાની ઈજજત આબરુને ચાર ચાંદ લગાડજે. તારાં સાસુ સસરા એ જ સાચાં માતા પિતા છે. ચિ. ભાઇ અમિત પણ ખૂબ સમજુ છે, તેના માર્ગદર્શન પ્રમાણે ચાલજે. ખૂબ જ ગંભીર, સહનશીલ બનજે, વિનય વિવેક, ગુણોને તારા જીવનમાં વણી લેજે. મારા આર્શીવાદ હમેશાં તારી સાથે છે અને રહેશે. પૂ. ગુરુદેવજીનું નામ. અને નવકારમંત્ર ગણતી રહેજે. એજ તને સફળતા આપશે. તારી રક્ષા કરશે. પત્ર લખતાં મારું દિલ ભરાઈ જાય છે. ખૂબ ડાહી છો અને વધુ થજે. ધર્મની ભાવના હમેશાં રાખજે. જે વ્યકિત ધર્મની રક્ષા કરે છે, તેની ધર્મ પણ રક્ષા કરે છે. ભાઈ અમિતને અમારા સાદર ધર્મલાભ કહેજે. લિ. સાધ્વી મૃગાવતીના સાદર ધર્મલાભ (શ્રી શૈલેશભાઈ કોઠારીની સુપુત્રી ચિ. સેજલના શ્રી અમિત સાથે લગ્ન થયાં તે પ્રસંગે લખેલો પત્ર.).
૧૬૨
મહત્તરા થી મગાવતીશ્રીજી
