________________
૨૨-૨-૮૬ શાસનપ્રભાવિકા સાધ્વીજીશ્રી મૃગાવતીશ્રીજી આદિ યોગ અનુવંદના દેવ-ગુરુકૃપાએ સુખશાતામાં હશો. તમારો પત્ર લાલા નરેન્દ્ર પ્રકાશજીએ આપ્યો. અંતગડસૂત્રની બાબતમાં મને ચોકકસ ખ્યાલ નથી, પણ ૫. અમૃતભાઈ ભોજકે ઉપાસક દશાંગ આદિનું કામ કરીને રાખેલું છે. આવી ઘણીવાર વાત થઈ છે. તો તેમને પહેલાં પૂછાવી જોશો વળી જેસલમેર તથા ખંભાતમાં અંતગડની ઘણી પ્રતિઓ છે. એટલે બધી પ્રતિઓના ફોટાઓ લેવામાં કેટલીક મુશ્કેલીઓ છે. એક કામ કરો. ત્યાં જે કાગળની પ્રતિઓ છે તેમાંથી અંતગડસૂત્ર મૂળ તથા ટીકાની જે પ્રાચીન પ્રતિઓ હોય તે શોધી કાઢો અને તેના આધારે અંતગડને તૈયાર કરો. પછી મારા ઉપર મોકલી આપો. તેમાં જે સંસ્કાર કરવા જેવા હશે. તે હું ફિલ્મને મશીન ઉપર ચડાવીને જોવી હશે તો જોઈને પણ કરી લઇશ. ટીકામાં જે નોંધ કરવાની હોય તે પણ કરશો. પ્રાંરભમાં બે- ચાર પાનાં તૈયાર કરીને મોકલશો તો ય ચાલશે. જેથી તેના આધારે તમારી પધ્ધતિનો ખ્યાલ આવી જશે, સૂચના કરવા જેવું જણાવાશે. ઉપરાંત બીજા કોઇ.ગ્રંથને તૈયાર કરવા ભાવના હોય તો હરિભદ્રસૂરિજી મહારાજના ગ્રંથો અષ્ટક પોડશક- યોગબિંદુ વગેરે આધુનિક પદ્ધતિથી કરવા જેવા છે. હેમચંદ્રસૂરિજીના મહારાજના ગ્રંથો પણ ઘણાં સંસ્કાર માગે છે. તમારું કયા વિષય ઉપર કેટલું પ્રભુત્વ છે તે હું જાણતો નથી. મારા સંપાદિત કરેલા યોગશાસ્ત્ર (સટીક)ના ભાગો તમારી પાસે છે કે કેમ ? તે જોવાથી સંપાદન પદ્ધતિનો કેટલોક ખ્યાલ આવશે. તમારી તબિયત સારી હશે. મસા માટે આધુનિક ઘણી સરળ પદ્ધતિઓ નીકળી છે. નરેન્દ્રપ્રકાશજીને મેં કહ્યું છે. અહીંથી લોલાડા જવા ભાવના છે. બે - ત્રણ મહિના સુધી ત્યાં પત્રવ્યવહાર કરશો તો ચાલશે. દ. જંબૂની અનુવંદના (જંબૂવિંજયજી મહારાજ સાહેબ) (શંખેશ્વર)
તા. ૯-૯-૧૯૭૩ આદરણીય સાધ્વીશ્રી મગાવતીશ્રીજી, આપ સૌ કુશળ હશો. આપને મળ્યાને લગભગ મહિનો થવા આવ્યો. મુનિ શ્રી રાકેશજીએ આપેલ સરનામું અને મહારાજશ્રી સંતબાલની ભલામણથી આપનાં દર્શનનો લાભ મળેલ. આપનાં સૌજન્ય અને નિખાલસતાથી હું ઘણો પ્રભાવિત થયો હતો. સાધુસંતોના આચરવિચાર અને યુગધર્મની માંગની વાતોમાં બાપુજી (મહાત્મા ગાંધી)ની વાતો આવી. ત્યારે ત્યાં બેઠેલા આપની સાથેના ભાઇબહેનોના ભાવો ઊંડી છાપ પાડનારા હતા. ટૂંકમાં અસરકારક રીતે આપે બધા ધર્મોનું પૃથ્થકરણ કરી બતાવેલ અને બધા જીવોને એકસરખા જણાવેલ ત્યારે સૌ હાજર શ્રોતાજનો સ્તબ્ધ બની ગયેલા, તે પ્રસંગને યાદ કરું છું અને તેને હું એક ધન્ય ઘડી માનું છું. પછી આપે એક સજજન પાસે શ્રી રાજકુમારજી ઉપર ચિઠી લખાવી આપી જે મુનિ શ્રી જનકવિજયજી પાસે પહોંચવામાં ભારે ઉપયોગી બની. તે માટે હું આપ સૌનો આભાર માનું છું. આપ તથા એ સૌ મિત્રોની સેવામાં મારા પ્રણામ પાઠવું છું. લિ. ગુલામ રસૂલ કુરેશીના પ્રણામ ઇમામ મંઝિલ, હરિજન આશ્રમ, અમદાવાદ
મહત્તરા શ્રી મૃગાવતીશ્રીજી
૧૫૯
