________________
૧૩-૬-૧૯૮૦. પરમ પૂજય સાધ્વીજી શ્રી મૃગાવતીશ્રીજી મહારાજ-ચરણકમળમાં વંદના.
આપના સ્વાચ્ય સમાચાર જાણી ચિંતા થઈ છે. રાજકોટ-સરધારના ચાતુર્માસ દરમ્યાન અહીં ડૉ. શિવાનંદ અધ્વર્યુ (વીરનગર) દ્વારા આપનો પરિચય થયેલ. આપે મને પ.પૂ. પંન્યાસજી ભદ્રંકરવિજયજીનો પરિચય કરવા પ્રેરણા આપેલ. તે ઉપકાર હું જિંદગીભર નહિ ભૂલી શકું. - પરમ પૂજય પંન્યાસજી મહારાજ સાથે તેર-ચૌદ વર્ષના સતત સમાગમથી જીવનમાં પરિવર્તન આવ્યું છે અને નમસ્કાર મહામંત્રની આરાધના ખૂબ જ પ્રસન્નતાથી ચાલી રહી છે.
આપ હવે આપની જન્મભૂમિ સરધાર-રાજકોટ જરૂરે વહેલા પધારો એવી વિનંતિ છે. આપનું સ્વથ્ય સારું બની રહો એજ પ્રાર્થના મારા લાયક કામસેવા જરૂર ફરમાવશો.
આપની નિશ્રાવર્તી સાધ્વીજીઓ સુખશાતામાં હશે. સર્વેને વંદના. સુખશાતા પૂછશોજી. શશિકાન્ત મહેતાના વંદન. ૩૪, કરણપરા, રાજકોટ-૧.
૩૧-૧-૧૯૮૫. ધર્મનિષ્ઠ, દેવગુરુધર્મોપાસક, શિક્ષણપ્રેમી, સાહિત્યકાર, સુશ્રાવક ભાઈ શ્રી પ્રો. રમણલાલભાઈ, આદિ સપરિવાર સાદર
ધર્મલાભ. પૂજય ગુરુદેવની કૃપાથી અમે બધાં સુખશાતામાં છીએ. તમે પણ સપરિવાર આનંદમાં હશો. તમે મોકલાવેલ પુસ્તકો ભાઇશ્રી શૈલેશભાઇએ આપ્યાં છે. તમે રચેલ સાહિત્ય ખૂબ જ રસિક, બોધપ્રદ અને જનકલ્યાણોપયોગી હોય છે. આપે પહેલાં પણ ‘પ્રદેશ જયવિજયના” અને “ધન્નાશાલિભદ્ર ચોપાઇ’ પુસ્તકો મોકલ્યાં છે. “પ્રદેશે જયવિજયના’ પુસ્તક અમને ખૂબ ગમ્યું છે. એ પુસ્તકની શૈલી રોચક છે. “એવરેસ્ટનું આરોહણ’, ‘ઉત્તરધ્રુવની શોધસફર” અને “પાસપોર્ટની પાંખે આ પુસ્તકો પણ શૈલશભાઈ સાથે મોકલશો.
અમારાં શ્રાવિકા શ્રીમતી તારાબહેન, ચિ. બહેન શૈલજા અને ભાઇ શ્રી અમિતાભને અમારા ધર્મલાભ કહેશો. તમારું નાનકડું, કુટુંબ સંસ્કારી અને શિક્ષિત પરિવાર છે.
બાળકોને મળવાની અમારી ખુબ જ ઇચ્છા છે. કયારેક તક મળે તો જરૂર તેડી લાવશો. તમારા ગુણો માટે અમારા મનમાં વિશેષ માને છે. તમને સૌને અમે ખૂબ યાદ કરીએ છીએ. ધર્મકાર્યોમાં આદર રાખજો. નેહસદ્ભાવમાં વૃદ્ધિ કરજો.
તમારા બધા પુસ્તકો સ્મારકની લાયબ્રેરીમાં મૂકી દીધાં છે. બધા લાભ લેશે. લિઃ મગાવતીના સાદર ધર્મલાભ.
શ્રી વલ્લભસ્મારક
મહત્તરા શ્રી મૃગાવતીશ્રીજી
૧૫૭
