________________
પરમ પૂજય સાધ્વીજી શ્રી મૃગાવતીજીની સેવામાં, - આપનો ૧૯-૬-૭૨નો કાગળ મુંબઈ થઈને અહીં કાલે મળ્યો છે.
બા બીમાર છે. દેવગુરકપાથી માંડ બચ્યાં છે. આપને યાદ કર્યા હતાં. પરંતુ પત્ર નહીં એટલે કયાં વિચરો છો તે ખ્યાલ નહી. જેણે રાગ છોડયો છે, તે પત્ર મોડો લખે તે ગુણ કહેવાય એટલે આપને તે બાબત મારે કાંઈ કહેવાનું હોય નહીં. આપના મોડા મોડા પણ કયાંકથી ખબર મળતા હતા. છેલ્લે મુનિ શ્રી જંબૂવિજયજી મહારાજ સાહેબે લખેલું કે, મહાસતીજી દર્શને પધાર્યા હતાં. તમારો સાધનાનો પ્રયાસ તેમને ગમ્યો છે. તેઓ પણ સાધના માટે રાણકપુર જેવા સ્થળને ચાતુર્માસ માટે પસંદ કરી રહ્યા છે. તેમનો શ્રત વિશે બોધ ઘણો સારો છે, પણ તેના ગૂઢ કોયડા ઉકેલવાની શકિત તેઓ સાધનામાંથી મેળવે છે.
મુનિ શ્રી અભયસાગરજી મહારાજ સાહેબ અહીં છે. તેઓ પણ સાધના કરી રહ્યા છે. તમે ત્રણેય જુદે જુદે રસ્તે એક જ સાધ્ય માટે પ્રયાસ કરી રહ્યાં છો.
સૌ શાતામાં છો તે જાણી આનંદ થયો. બે શિયાઓ અભ્યાસ કરે છે તે જાણી વિશેષ આનંદ થયો. આપના બન્ને કાન શાતામાં છે કે ઉદ્દે કરાવી રહ્યા છે?
બાએ અને ચારુએ વંદના લખાવી છે. કામસેવા લખશો. લિ. અમૃતલાલ કાલિદાસની વંદના અવધારશોજી.
આદરણીય મહારાજજી,
વંદના. કુશળ હશો. પંજાબ શ્રી સંઘની પંજાબ પધારવાની વિનંતિનો આપે સ્વીકાર કર્યો છે તે માટે પંજાબ શ્રી સંધની તરફથી અમે સૌ પ્રતિનિધિઓ આપના આભારી છીએ. સમયનો અભાવ, ગરમીના દિવસો અને લાંબા વિહારને કારણે આપને જે અડચણ પડશે તેનો ખ્યાલ સહેજે આવી જાય છે. છતાં પણ ગુરુદેવના આર્શીવાદથી આ દુર્ગમ માર્ગ સુગમ થઇ જશે અને તમે તમારા નિશ્ચય તથા દ્રઢ સંકલ્પથી સમયસર દિલ્હી પધારી શકશો એ વાતમાં લેશમાત્ર સંદેહ નથી.
આપના વિહાર દરમ્યાન કેસરિયાજી, નાથદ્વારા, રાણકપુર, અજમેર વગેરે સ્થળના તીર્થોની યાત્રાનો લાભ પણ મળશે. માર્ગમાં વ્યવસ્થાનો જે પ્રબંધ જોઇએ તે નિઃસંકોચ જણાવશો.
ભગવાન મહાવીરના ૨૫૦૦માં નિર્વાણ મહોત્સવ નિમિત્તે માનવસેવાના કાર્ય કરવા માટે અમને માર્ગદર્શન મળી શકે માટે દિલ્હી પધારવા આપને અમે આગ્રહ કર્યો છે. - તમારા વિચારમાં જે પ્રકારનો કાર્યક્રમ પંજાબ શ્રીસંધે હાથમાં લેવો જોઇએ તે પૂર્વ ચિંતન કરી જરૂર જણાવશો. વડોદરાથી જે સમયે અમે વિદાય લઇ રહ્યા હતા ત્યારે આપે વિશેષમાં કહ્યું હતું કે, આ દિશામાં કાર્ય કરવા જેવું છે. પંજાબ શ્રીસંઘે આ દિશામાં જરૂર ગંભીરતાથી કાર્ય કરશે. થોડા દિવસો પછી આપને ફરીથી મળવા પ્રયાસ કરીશું. આપ સુખશાતામાં હશો. આપના આર્શીવાદનો અભિલાષી, રતનલાલ જૈન (દિલ્હી)
મહત્તરા શ્રી મગાવતીશ્રીજી
