________________
૪-૩-૬૩ સાધ્વી મૃગાવતીજી,
આપને વિદિત થાય છે, ભારતીય સંસ્કૃતિના પ્રખર અભ્યાસી, સંસ્કૃત, પ્રાકૃત અને હિન્દી ભાષાઓનાં જાણકાર તથા ફ્રાન્સની લીયો વિદ્યાપીઠના ભારતીય સંસ્કૃતિને લગતી વિદ્યાશાખાનાં અધ્યક્ષ મદામ કોલે સોમવાર અને મંગળવાર,માર્ચ તા. ૧૧ અને તા. ૧૨, ૧૯૬૩ના બે દિવસો દરમ્યાન અમદાવાદની મુલાકાતે પધારવાનાં છે. Lઆ ફ્રેન્ચ વિદુષી મહિલાને ભારતની સરકારે ખાસ આમંત્રણથી ભારતની મુલાકાતે બોલાવ્યાં છે. બે દિવસના અમદાવાદના તેમના નિવાસ દરમ્યાન તેઓ અમદાવાદના વિદ્વાનોને મળે તથા અગ્રગણ્ય સંસ્થાઓની મુલાકાત લે તેવી તેમની ઇચ્છા છે.
આ અંગે આપની સાથેની તેઓશ્રીની મુલાકાત મંગળવાર માર્ગ તા.૧૨, ૧૯૬૩ ના રોજ સવારે ૯-૦૦ વાગે શાંતિસાગરનાં ઉપાશ્રયમાં યોજવામાં આવી છે. આપને આ મુલાકાતમાં સમય અને સ્થળ અનુકૂળ હશે એવી અપેક્ષા રાખવામાં આવે છે.
આ અંગે આપની સંમતિ દર્શાવતો પત્ર ઉપરનાં સરનામે વળતી ટપાલ લખવાની કૃપા કરશો. આપનો વિશ્વાસુ : નરહરિ ભટ્ટ : નાયબ માહિતી સંચાલક, માહિતી ખાતું ગુજરાત રાજય
માહ. શુ ૧૫ તા. ૧૪-૨-૬૮ વિનયાદિગુણવંત સાધ્વીજીશ્રી જી. સપરિવાર જોગ સુખશાંતા વાંચશો. અહીં ગુરુ પસાથે શાંતિ છે. મારા પગે પણ પહેલા કરતાં સુધારો છે. શાસન દેવના પસાયે ધીમે ધીમે આરામ આવી જશે. આજે શ્રી યશોવિજયજીના પત્રથી તમારા ધર્મમાતા ગુરણીજી શીલવતીશ્રીજીને લકવાની અસર થયાનું જાણી ચિંતા થાય છે. તેમને મારા તરફથી સુખશાતા પૂછશો દવા-ઉપચાર સાથે સુંદર આરાધના ચાલુ રાખશો. શાસન દેવની કૃપાથી તેમને શીધ્ર સારું થાય. અને હજુ વર્ષો સુધી પોતાની આરાધના સાથે અનેક આત્માઓને આરાધનામાં સહાયક થાય એ જ શુભભાવના. મારાલાયક કામકાજ જણાવશો. દ. ધર્મવિજયની સુખશાત જૈન મંદિર, ચેમ્બર મુંબઈ ૪૦૦ ૦૭૧
મહત્તરા શ્રી મૃગાવતીશ્રીજી
૧૫૧
