________________
૨૫-૫-૧૯૭૦
વિદુષી સાધ્વીશ્રી મૃગાવતીશ્રીજી, સુજયેષ્ઠાશ્રીજી સુત્રતાશ્રીજી આદિ યોગ્ય, સુખશાતા, અમો જગડીઆથી વિહાર કરી સુરત આદિ થઇ વલસાડમાં સંક્રાન્તિ કરી ગઈ કાલે દહાણું આવ્યા. પૂનમચંદભાઈ આદિ શ્રીસંઘે સુંદર સ્વાગત કર્યું. મુંબઈથી પધારેલા ભાગ્યશાલીઓનું સુંદર બહુમાન કર્યું.તમારો પહેલો પત્ર જગડીઆમાં મળ્યો હતો એની પહોંચ વિહાર આદિના કારણે આપી શકયા નથી તો તે તરફ જરા પણ લક્ષ આપશો નહિ. તમારો ધર્મસ્નેહ અને ભાવભકિત અમોને વારંવાર યાદ આવી જાય છે. ગઈ કાલે સૌનો લખેલ પત્ર આજે વાનગાંવ આવીને વાંચ્યો. વાંચીને ઘણો જ આનંદ થયો. તમો એવા કઠણ પ્રદેશમાં અને ગરમીમાં વિચારીને જે ઉપકાર કરી રહ્યા છો એ ચિરસ્મરણીય રહેશે એમાં સંદેહ નથી. હજુ ૧૫૦ માઇલનો વિહાર બાકી છે. તે શાન્તિપૂર્વક પૂરો કરી બેંગ્લોર પહોંચી જૈન શાસનનો અને ગુરુદેવના શુભ નામનો જયજયકાર કરો એજ અમારી શુભકામના છે. દહાણુ સંઘ તમારા ચાતુર્માસના લીધેલ લાભ અંગે બીકાનેરમાં ઘાસ તથા રોકડ નાણું સહાયતા રૂપે જે મોકલાવ્યું તેનો ઉલ્લેખ કરી વ્યાખ્યાનમાં ધન્યવાદ આપવામાં આવ્યા. જમ્મુમાં નવું દેરાસર બંધાય છે. એમાં લગભગ લાખ સવાલાખનો ખર્ચ થઇ ગયો છે. અને હજુ લાખ સવા લાખનો ખર્ચ થશે તો તમો આ વાતનો ખ્યાલ રાખશો. બધા ભાગ્યશાલીઓને ધર્મલાભ જણાવશો. અમો અહિ ૨૫ સાધુઓ છીએ. મુંબઇ ચાતુર્માસમાં લગભગ ત્રીસેક સાધુ થઇ જશું તમો અમે પધાર્યા હોત તો બહુ સારું થાત. આજકાલ વ્યાખ્યાતાઓની ખાસ જરૂરત છે. ગુરુ મહારાજની કૃપાથી જે કાર્ય માટેમુંબઇ જઇ રહ્યા છીએ તે કાર્ય સાંગોપાંગ પાર ઉતરે અને ગુરુદેવનો જયજયકાર થાય અને આનંદથી વિહાર થાય એજ ભાવના રાખીએ છીએ. મુમુક્ષણી ભારતીબેનને ઘણાં ઘણાં ધર્મલાભ જણાવશો અને હવે એ મુમુક્ષણી કયાં સુધી રહેશે. ધર્મસ્નેહ રાખશો. આનંદ સમાચાર આપશો. અમો આવતા રવિવારે આગસી પહોંચવાના છીએ અને ત્યાંથી વિહાર કરી જેઠ સુદી ૬ના મુંબઈ પહોંચવાની ભાવના છે. દ. સમુદ્રવિજયના સુખશાતા
૧૫૦
મહત્તરા શ્રી મગાવતીશ્રીજી
