________________
સ્ત્રીનું જીવન ઘરમાં સ્વચ્છતા, પતિભક્તિ અને બાળકોમાં સંસ્કાર માટે છે, અહીં તહીં ભટકવા માટે નહિ. કપડાં કે ઝવેરાતનો મોહ બંધ કરો. રૂપ અને રૂપિયા દેખાડવાની ચીજ નથી. કોઈ ધનવાન પોતાના ઘરના આંગણમાં હજારો રૂપિયાની થેલી કે નોટો ટીંગાળી રાખે છે, એવું કદી તમે જોયું છે?
આપણા શાસ્ત્રોમાં શૃંગારનું જે વર્ણન છે એનો સાર શું છે એ કોઇએ વાંચ્યું છે? સ્ત્રીનો શૃંગાર શા માટે છે? પતિ માટે કે દુનિયાને દેખાડવા માટે? બાહ્ય દેખાવથી સુખ નથી મળતું. જો ઉચ્ચ આચાર-વિચાર, સાદું જીવન અને સંસ્કાર હશે તો આપણી પ્રગતિ થશે. ભોગનું આકર્ષણ ઓછું કરીને બાહ્ય ભોગ બંધ કરવા જોઇએ. એમાં સ્ત્રીનું સાચું સુખ છે.
આપણા સમાજના ભાઈઓ ભૂખ્યાતરસ્યા હોય, રહેઠાણ વગર જયાં ત્યાં ભટકતા હોય ત્યારે લગ્ન કે બીજા ઉત્સવોમાં આડંબર કે ખોટા ખરચા બંધ કરીને સાધર્મિક સેવા કરવી જોઇએ.
પરંતુ આજનો માનવી ભોગ, ધન અને લાલસામાં જ રચ્યોપચ્યો રહે છે. જયાં જુઓ ત્યાં એ જ આડંબર! ધનની જ આજે બોલબાલા છે.
આજના જગતમાં કોઈ યુગમાં નથી બન્યું એવું બન્યું છે. સ્વાધ્યાય, ઉપદેશ કે ધર્મ કરતાં ધન, વૈભવ અને ભોગનું અને વિલાસનું પ્રભુત્વ વધ્યું છે.
મારું તો નામ સૂચન છે કે, ખોટો ખર્ચ અને આડંબર બંધ કરીને, વધુ નહિ તો થોડી સાદગી લાવો. જીવનમાં સાદાઈ આવશે તો સારા વિચારો આવશે. સ્વાધ્યાય વધશે. ધ્યાન-યોગ વધશે. આધ્યાત્મિક વાચન વધશે. બાહ્ય સુખનો મોહ તજી આતર સુખ, આત્માનું સુખ પ્રાપ્ત થશે. (તા. ૨૦-૮-૧૯૬૬ના પ્રવચનનો સાર)
મહારા શ્રી મગાવતીથી
૧૪૭.
