________________
દૈવીશક્તિ મૃગાવતીજી મહારાજ
U જ્ઞાનચંદ જૈન “સનખતરવી’
I
મૃગાવતીજીએ અસંખ્ય લોકોને માંસ, મદિરા, ઈડા, સિગારેટ વગેરેના વ્યસનમાંથી મુક્તિ અપાવી. જૂના કુરિવાજો દુર કરવા લોકોને સફળતાપૂર્વક સમજાવી શક્યા. સ્ત્રીઓનું રડવા-કૂટવાનું બંધ કરાવ્યું. યુવાનોને દહેજ ત્યાગની પ્રતિજ્ઞા લેવડાવી. લગ્નમાં ભાંગડાનાચ બંધ કરાવ્યો. સામાજિક ક્ષેત્રમાં મૃગાવતીજી જેવી આધ્યાત્મિક વ્યક્તિના પ્રયત્નોથી ઘણા જ નોંધપાત્ર ફેરફારો થયા.
કાર્યરત શિક્ષણ સંસ્થાઓને પોતાના પ્રભાવક પ્રવચનોથી લોકો પાસેથી અનુદાન અપાવ્યાં. સંસ્થાઓની કાયાપલટ કરી દીધી.
પ્રાકૃત ભાષાના પ્રચાર માટે પોતાની ગુરુણી શીલવતીજી મહારાજની સ્મૃતિમાં ‘શ્રી આત્મ-વલ્લભ-શીલ-સૌરભ ટ્રસ્ટની સ્થાપના કરાવી.
મૈસૂરમાં શ્રીમદ્ વિજયવલ્લભસૂરિ મહારાજની સ્મૃતિમાં શિક્ષણ સંસ્થા શરૂ કરાવી.
આ ઉપરાંત અનેક સ્થળે જૈન સ્કૂલ-કોલેજો, પુસ્તકાલય અને ઔષધાલયને વિવિધ પ્રકારે આર્થિક મદદ અપાવીને . એ સંસ્થાઓને ઉન્નત બનાવી.
લુધિયાણામાં આદિનાથ ભગવાનનું મંદિર પૂર્ણ કરવાની પ્રેરણા આપી અને તેની પ્રતિષ્ઠા કરાવી. લુધિયાણાને પંચતીર્થી નું નામ આપી શાંતિનાથ જૈન મંદિરના નિર્માણમાં યોગદાન આપ્યું. ગુરૂધામ લહરા (જીરા)માં કીર્તિસ્તંભની સ્થાપના કરાવી. પાવાપુરી તીર્થમાં વીજળીકામ માટે પ્રેરણા આપી અને એ કાર્ય થઇ ગયું.
અમ્બાલામાં વલ્લભવિહારની સ્થાપના કરાવી. શ્રી આત્માનંદ જૈન મહાસભા-ઉત્તર ભારતનું પોતાનું મુદ્રણાલય શરૂ કરાવ્યું.
પોતાની યોગ્યતા, વિદ્વતા, પ્રતિભા અને દૂરંદેશી વડે મૃગાવતીજીએ જીવનમાં સર્વ ક્ષેત્રોમાં સર્વશ્રેષ્ઠ કાર્યો માટે અદ્દભૂત પ્રેરણા આપી હતી.
મહત્તરા શ્રી મગાવતીશ્રીજી
