________________
જૈન ભારતી મહત્તરા સાધ્વી શ્રી મૃગાવતીજી મહારાજના કાળધર્મના સમાચાર સાંભળીને દુઃખ થયું છે. વિદુષી સાધ્વીજીનું વ્યક્તિત્વ બહુમુખી હતું. એમનું ગહન અધ્યયન અને પ્રતિભાસંપન્ન વ્યક્તિત્વ જૈન સમાજ માટે ગૌરવનો વિષય હતાં.
પંજાબ કેસરી યુગવીર આચાર્યશ્રી વિજયવલ્લભસૂરીશ્વરજી મહારાજના ચિંતનથી પ્રભાવિ થઇ મૃગાવતીજી એમનાં આશાવર્તિની બન્યાં અને એમના વિચારોના પ્રચાર માટે એમણે સમસ્ત દેશમાં વિહાર કર્યો. ગામેગામ અને નગર-નગરમાં વ્યાખ્યાન આપી ભારતીય સંસ્કૃતિની પરંપરાઓને અશ્રુષ્ણ રાખવા માટે એમણે યુવાશક્તિને પ્રેરણા આપી હતી.
સામાજિક સંગઠને મજબૂત બનાવી અને દહેજ પ્રથા સામે અવાજ ઉઠાવી દેશની નૈતિક જાગૃતિમાં એમણે ફાળો આપ્યો હતો.
દિલ્હીમાં નિર્માણાધીન ‘વલ્લભસ્મારક' માટે તેઓ સમર્પિત હતાં. જૈન સમાજનું આ મહાન સ્મારક સૌ કોઈના આકર્ષણનું કેન્દ્ર બની રહેશે. આ સ્મારક વિજયવલ્લભસૂરીશ્વરજી મહારાજની પુણ્યસ્મૃતિમા બની રહ્યું છે. મૃગાવતીજીએ સ્મારકના સ્થળે રહી સ્મારક માટે પોતાનું જીવન સમર્પિત કરી દીધું.
કાંગડા તીર્થના ઉધ્ધારમાં પણ અગ્રણી રહી પ્રાચીન તીર્થના પુનરુધાર માટે તેમણે પ્રેરણા આપી હતી. એમના " જવાથી સમગ્ર જૈન સમાજને ઊંડો આઘાત લાગ્યો છે. એમની ખોટ પુરાય એવી નથી..
વલ્લભ સ્મારક પરિપૂર્ણ થાય એ એમની અંતિમ ભાવના હતી, સૌ ભાઇબહેનો એ કાર્ય પૂર્ણ કરવા સહયોગ આપે એ એમના પ્રત્યે સાચી શ્રધ્ધાંજલિ છે.
પૂજ્ય આચાર્ય શ્રી વિજય ઈન્દ્રન્નિશ્રીની પ્રેરણાથી શ્રધ્ધાંજલિના પુષ્પ રૂપે અકોલાના શ્રીસંઘે એમના અધૂરા કાર્યને ગતિ આપવા દેવદ્રવ્યમાંથી રૂપિયા ૨૧ હજાર આપવાનું નકકી કર્યું છે. T સાધ્વીશ્રી સુમતિશ્રીજી મહારાજ અને શ્રી જૈન શ્વેતામ્બર મૂર્તિપૂજક સંઘ
• , અકોલા.
સાધ્વી મહત્તરાથી મગાવતીજીના આકસ્મિક કાળધર્મ પામ્યાના સમાચાર સાંભળી અમને દુ:ખ પહોંચ્યું છે. એમણે આપણને જે માર્ગ બતાવ્યો છે, એને અનુસરીએ એ જ એમના પ્રત્યે સાચી શ્રધ્ધાંજલિ બનશે. એમણે ગુરુદેવના મિશનને પૂર્ણ કરવા પોતાની જાતને સમર્પી દીધી. વલ્લભ સ્મારક એમની કીર્તિને અક્ષણ બનાવી રાખશે.
સાધ્વીશ્રી સુમંગલાશ્રી મહારાજ નાગૌર.
મહત્તરા શ્રી મગાવતીશ્રીજી
