________________
પૂજય સાધ્વી શ્રી મૃગાવતીજી મહારાજ વિશાળ દૃષ્ટિકોણ ધરાવતાં હતાં. વલ્લભ સ્મારક માટે એમણે અભિગ્રહ કર્યો હતો અને દુધનો ત્યાગ કર્યો હતો. એમણે પોતાની સર્વ કાર્યશકિત સ્મારક માટે લગાડી હતી. એમની વાણીમાં એવી તાકાત હતી કે, એનો અનાદર કરવાનું સરળ ન હતું.
વલ્લભ સ્મારક સમાજને આપેલ એમની સર્વશ્રેષ્ઠ ભેટ છે. એમનાં અપૂર્ણ કાર્યોને પૂર્ણ કરવા આપણે સૌએ પ્રયત્ન કરવો જોઇએ.
રતનલાલ જૈન (ભૂતપૂર્વ ધારાસભ્ય)
પૂજય મહારાજશ્રીજીએ ભગવાન મહાવીરના “જીવો અને જીવવા દો’ સંદેશને ધાર્મિક ક્રિયાકાંડ સુધી સીમિત ન રાખતાં એને વ્યાવહારિક રૂપ આપ્યું. સમાજના લોકોની મુશ્કેલીઓ અને આપણી સમસ્યાઓનું સમાધાન કરી ધર્મનો પ્રચાર કર્યો. વાસ્તવમાં એમણે આપણને સાચા જૈન બનાવવા પૂર્ણ કોશિશ કરી. હું કહું છું કે, ધર્મની સાથોસાથ એક વ્યાવહારિક વ્યકિત બનાવવાની એમની શકિત અનન્ય હતી. તેઓ સમન્વયવાદી અને સમતાવાદી હતાં. સૌ પ્રત્યે સદ્ભાવના રાખતાં હતાં. તેઓ પોતે જ એક મોટું સ્મારક હતા. તેઓ એક સંસ્થા હતાં. આપણે જે સ્મારક બનાવીએ તેની સાથે “સમાજમાં એકતા સાધો' ને યાદ કરી ભગવાન મહાવીરના એક નેજા હેઠળે એકઠા થઇ, અસલી સ્મારક સ્થાપીએ.
માનવસેવા, સૌની સેવા અને સૌ પ્રત્યે સ્નેહ એ આપણું ધ્યેય બનવું જોઇએ. આ શબ્દો સાથે પૂજય મહત્તરાજીના ચરણોમાં શ્રદ્ધાંજલિ અપર્ણ કરું છું.
ધર્મપાલજી ઓસવાલ
(લુધિયાણા)
મૃગાવતીજી પૂર્ણ રૂપે જૈન ધર્મ અને જૈન તત્ત્વજ્ઞાનને સમર્પિત હતા. એમની વિદાયથી જૈન ધર્મને મોટી ખોટ પડી છે. એમના આત્માને પરમ શાંતિ મળે અને એમના ઉચ્ચ આદર્શો વલ્લભ સ્મારક દ્વારા સાકાર થાય એવી પ્રાર્થના કરું છું.
ડો. બંસીલાલ ભટ્ટ (પશ્ચિમ જર્મની)
૧૧૬
મહત્તરા શ્રી મગાવતીશ્રીજી
