________________
ઇશ્વરની કૃપા વરસતી હોય તેમ વર્ષની ધારા વરસી રહી હતી. ભીંજાવાની પરવા કર્યા વિના પૂ. મૃગાવતીજીનું પ્રવચન બધાં જ એક ચિત્તે સાંભળી રહ્યાં હતાં. શ્રોતાઓમાં માત્ર જૈનો જ નહિ, જૈનેતરો પણ હતા. ઊંચા રાજદ્વારી હોદા ધરાવનાર મહાનુભાવો પણ હતા. જંગલમાં જાણે મંગલ વન્યું હોય એવો અનુભવ થયો હતો. એક અનોખો યાદગાર પુનિત એ અવસર હતો.
ગુરુશ્રી વલ્લભસૂરિ મહારાજ પ્રત્યેની તેમની ભક્તિ અનન્ય હતી. વલ્લભ સ્મારકનું નિમણિ એ ગુરભક્તિનું ઉજજવળ પ્રતીક છે. વલ્લભસ્મારકની તસુએ તસુ ભૂમિ ધર્મ અર્થે વપરાય, લોકો એનો લાભ લઈ સર્વાગીણ વિકાસ સાધે તેવી તેમની પ્રબળ ઇચ્છા હતી. અમે સદ્ભાગી હતાં કે વલ્લભસ્મારકનું ખાત મુહૂર્ત થયું એ પ્રસંગે પણ હાજર રહી શક્યાં હતાં. વલ્લભસ્મારક માટે જોઇતા નાણાં માટે તેમણે પોતાની મધુર પ્રેરક વાણી વહાવી અને લોકોએ મન મુકીને ધન આપ્યું અને તન, મન, ધનથી સાથ આપ્યો. કેટલાંક કુટુંબોએ એ કાર્યને પોતાના જીવનનું મુખ્ય કર્તવ્ય બનાવ્યું. ગુરુ વલ્લભસૂરિનું પુણ્ય, પૂ. મૃગાવતીજીનો પુરુષાર્થ અને અનેક શ્રદ્ધાળું મહાનુભાવોની સેવાને કારણે વલ્લભસ્મારક સંશોધન અને ધર્મ આરાધનાનું અનેરું ધામ બની રહેશે, એક આંતરરાષ્ટ્રીય આકર્ષક કેન્દ્ર બની રહેશે એવી પૂરી શ્રદ્ધા છે.
પૂ. મૂગાવતીજીની સિદ્ધિઓ, વિદ્વતા અને ચારિત્ર્યશીલતાને કારણે તેમને “જૈન ભારતી’, ‘સાધ્વીરત્ન’, ‘શાસન પ્રભાવિકા', ‘મહત્તરા” વગેરે બિરુદોથી સમાજે બહુ ઉચિત રીતે સન્માન્યાં છે. અમે જયારે જયારે તેમનાં દર્શને ગયાં છીએ ત્યારે પવિત્ર જંગમ તીર્થની યાત્રાએ જઇને પાવન થયાં હોઇએ તેવો ભાવ અનુભવ્યો છે. પૂ. મૃગાવતીજી સંસ્કૃત ભાષા પર પ્રભુત્વ ધરાવતા અને સંસ્કૃતમાં વ્યાખ્યાનો પણ આપી શકતાં. અમારી પુત્રી ચિ. શૈલજા સંસ્કૃત ભાષામાં બોલી શકે છે એ જાણી તેમને અત્યંત આનંદ થયો હતો. તેઓ પંડિતા શૈલજા' કહીને બોલાવતાં. પત્રોમાં પણ તેને યાદ કરતાં અને મળીએ ત્યારે અમારા સંતાનો ચિ. અમિતાભ અને ચિ. શૈલજાને નામ દઇને અચૂક યાદ કરતાં. પૂ. મૃગાવતીજીના આશીર્વાદ અને અમીદ્રષ્ટિ એ અમારી અણમોલ મૂડી છે. - પૂ. મૃગાવતીજીનું પ્રેરક અને પવિત્ર જીવન જોતાં બધાં જ ફિરકાના જૈન સંઘોને વિનંતી કરવાનું મન થાય છે કે સમસ્ત સાધ્વી સંઘને તેજસ્વી બનાવવો હોય તો જ્ઞાનોપાસના માટે યોગ્ય વ્યવસ્થા કરી આપવામાં આવે, તેમને પુસ્તકો, પંડિતો, અભ્યાસી વિદ્વાન વ્યક્તિઓનાં લાભ મળે તેવો પ્રબંધ કરી આપવામાં આવે કે જેથી તેમનો વિકાસ થઇ શકે. સાથે સાથે સમાજના ઉત્કર્ષ માટે લેખન કે વ્યાખ્યાનો દ્વારા કામ કરવાની તેમને અનુકૂળતા કરી આપવામાં
વે. એમ થશે તો સાધ્વી સંસ્થામાં વધુ તેજ આવશે. અને તે દ્વારા તેમની તથા સમાજની ઉન્નતિ સધાશે. વળી એથી પૂ. મૃગાવતીજીનું યોગ્ય તર્પણ કરવાની કૃતાર્થતા પણ આપણે અનુભવી શકીશું. પૂ. મહત્તરા મૃગાવતીજીને અમારા કોટિ કોટિ વંદન!
૧૦૪
મહત્તરા શ્રી મગાવતીશ્રીજી
