________________
CE
] નરેન્દ્ર પ્રકાશ જૈન
પરમ પૂજય મહત્તરા શ્રી મૃગાવતીશ્રીજી સાથે મારો અને અમારા સમસ્ત પરિવારનો સંબંધ અત્યંત આત્મીય હતો. હું એમની પાસે સ્મારક ઉપર વારંવાર જતો અને જૈન ધર્મના ઘણા વિષયોની તેમની સાથે ચર્ચાવિચારણા થતી. પરમ પૂજય શ્રી જંબુવિજયજી મહારાજના હું સતત સંપર્કમાં છું અને એમનો એક ગ્રંથ અમે છાપ્યો છે. તે જાણી પૂજય મહત્તરાજી જ્યારે પણ હું પૂ. જંબુવિજયજી મહારાજ પાસે જાઉં ત્યારે પોતાની વંદના કહેડાવતા. અને તેમની પાસેથી વાસક્ષેપ લાવવાનું ખાસ કહેતા.
પૂજય મૃગાવતીશ્રીજીને આગમજ્ઞાતા પૂજય પુણ્યવિજયજીની જેમ પૂજય જંબુવિજયજી પ્રત્યે અપાર આદરભાવ હતો.
અમારા પરિવારનાં સભ્યો પૂજય પિતાશ્રી, પૂજય ચાઇજી, મારાં પત્ની સૌ. અનુરાધા વગેરે પણ તેમનાં સતત સંપર્કમાં રહેતા અને યથાશક્તિ તેમની સેવાભક્તિ કરતાં.
પૂજય મહારાજ સાહેબની સેવા કરવાનો મને અદ્ભુત અવસર પ્રાપ્ત થયો હતો. જે જન્મોજન્મની તપસ્યા પછી પણ કદાચ ન મળત. છેલ્લા ત્રણ માસમાં સવાર-સાંજ જે વાતો એમની પાસેથી સાંભળવા મળી એ અવર્ણનીય છે.
પૂજય મૃગાવતીશ્રીજીના અંતિમ સમયે એમની પાસે બેસીને હું ચાર કલાક સુધી લોગસ્સનો જાપ કરતો રહ્યો. બીજાં સાધ્વીજી મહારાજ ૐૐ હૌં શ્રીં નો જાપ કરતાં હતાં. એ રીતે પૂજય મૃગાવતીશ્રીજીએ અંતિમ શ્વાસ લીધાં. એ ભવ્યાત્માના અંતિમ પ્રયાણ વખતે અમને એમની બાજુમાં ઉપસ્થિત રહેવાનું મળ્યું એ અમારું પરમ સદ્ભાગ્ય છે. એ અંતિમ સમયનું અવર્ણનીય દિવ્ય દ્દશ્ય મારા ચિત્તપટ ઉપર સદાયને માટે અંકિત થઇ ગયું છે.
મહત્તરા શ્રી મૃગાવતીશ્રીજી
૧૦૭
