________________
પૂજય મૃગાવતીજીની ઇચ્છા અનુસાર નિર્માણ થયેલ પરિસ્થિતિથી મારી જવાબદારી વધી ગઇ અને હજુ કેટલી વધશે તેનો મને અંદાજ ન હતો. જો કે મહારાજશ્રીને તેનો અંદાજ જરૂર હશે. મને થયું કે, શિલાન્યાસ વખતે કુટુંબીજનો સાથે ભર ઉનાળામાં દિલ્હી જવું પડશે અને એ જવાબદારીમાંથી મુકત થઈ શકાશે નહિ. અંતે હું સહકુટુંબ શિલાન્યાસ પ્રસંગે હાજર રહ્યો. તે પ્રસંગે સાધ્વીજી મહારાજ, તેમની શિષ્યાઓ અને ત્યાના સમાજના ભાઇબહેનો સાથે સારો પરિચય થયો. બધાંનાં પ્રેમ અને લાગણીએ મને મીઠી મૂંઝવણમાં મૂકી દીધો. એના ફળ સ્વરૂપે એ બધાંની સાથે અતિ નિકટનો સંબંધ દિનપ્રતિદિન થતો ગયો.
ત્યાર બાદ સ્મારકમાં ટ્રસ્ટી તરીકે રહેવાનું મેં સ્વીકાર્યું. પૂજય સાધ્વીજી ચાતુર્માસ અર્થે અમ્બાલામાં હતાં ત્યારે બેએક વખત ત્યાં જવાનું થયું. ત્યારે તેમણે મને અંબાલાની એસ. એ. જૈન કૉલેજમાં સહાય કરવાની પ્રેરણા આપી. પ્રથમ તો લાયબ્રેરીમાં સહાય કરવાનો પ્રસ્તાવ મુકાયો જેનો મેં સહજ સ્વીકાર કરી લીધો.
ત્યાર બાદ સાધ્વીજી મહારાજને ખબર પડી કે, લાયબ્રેરી માટે દાન અંગે વાત અન્ય મહાનુભાવો સાથે થયેલ છે. ત્યારે તેમણે મૂંઝવણ અનુભવી. હું જયારે ફરી અંબાલા ગયો ત્યારે તેમણે સંકોચસહ ઉપરોકત મૂંઝવણ મારી સમક્ષ મૂકી. મારે તો એમની પ્રેરણાથી અમુક રકમનું દાન કરવાનું જ હતું. તેથી સંકોચ વગર અન્ય પ્રસ્તાવ જણાવવા વિનંતી કરી. તેમણે પ્રસન્ન થઈ કૉલેજમાં ક્રીડાંગણ માટે પ્રસ્તાવ મૂકયો, જે મેં તરત જ સ્વીકારી લીધો.
એક વખત તેમણે મને ધર્મની ક્રિયા અને વાંચન બાબત પૃચ્છા કરી. ખૂબ જ ગ્લાનિભર્યા વદને અને સંકોચ અનુભવતાં મેં જણાવ્યું કે આ બાબતમાં હું તદ્દન ઓછું ધ્યાન આપી શકું છું. ત્યારે તેમણે અમુક થોડી સૂચનાઓ આપી જેનું સહેલાઈથી પાલન કરી શકાય. તેમની એ મૂલ્યવાન સૂચનાઓનું ત્યારથી નિયમિત પાલન કરું છું. આના પરથી એ સ્પષ્ટ થશે કે, સામા માણસને પારખી લેવાની તેમનામાં અદ્ભુત શકિત હતી. એટલું જ નહિ સામી વ્યકિતની મર્યાદાઓને સમજીને તેઓ એવાં સૂચનો રજૂ કરતાં કે જે સૂચનો માન્ય રહે અને તે વ્યકિત આનંદથી પાળી પણ શકે.
ત્યાર બાદ ચંદીગઢમાં પણ તેઓશ્રીના ચાતુર્માસના રોકાણ દરમ્યાન વંદન કરવાનો મને લાભ મળ્યો અને એમની સાથેનો પરિચય વધતો ગયો.
. એક વખત દિલ્હીની મુલાકાત દરમ્યાન પૂજય મહત્તરાજીનાં દર્શને હું ગયો હતો. ત્યારે તેમણે મારા પુત્ર, પુત્રવધૂ તથા પૌત્ર બાબત પૃચ્છા કરી અને એમને મળવાની તેઓએ ઇચ્છા વ્યકત કરી.આ બાબતની વાત કરતાં મેં સહેજ સંકોચ અનુભવ્યો.મારી મૂંઝવણને હળવી કરતાં કરતાં તેમણે કહ્યું કે, ભાઈ આ તો કર્માધીન છે. અને તેનો ક્ષોભ રાખવો નહિ. તેઓદિલ્હી આવે ત્યારે જરૂરથી મોકલવાં. મારો પુત્ર અને તેનો પરિવાર વંદન કરવા ગયાં પણ ખરાં, એથી તેમને પ્રસન્નતા થઈ અને મારા પુત્ર, પુત્રવધૂ અને પૌત્રને મળ્યાનો આનંદ પણ થયો.
મારા પૂજય પિતાશ્રીના સ્મરણાર્થે પાટણમાં જે સંસ્કૃતિમંદિરની સ્થાપના કરી હતી તે બાબતમાં તેઓ રસ લેતાં અને ત્યાં ચાલતી પ્રવૃત્તિ વિશે પૃચ્છા કરતાં. તેમણે જાણ્યું કે, પરમ પૂજય જંબૂવિજયજી મહારાજ પણ એમાં રસ લે છે ત્યારે તેમણે વિશેષ આનંદ અનુભવ્યો. - પાટણ સ્થાપિત ભારતીય સંસ્કૃતિમંદિર અંગે મને એવો વિચાર સ્ફર્યો કે, મારા પિતાશ્રીની ઇચ્છા મુજબ આ સંસ્થાનો વિકાસ કરવો હોય તો દિલ્હીની વલ્લભ સ્મારક જેવી સંસ્થાના એક અંગ તરીકે તેને જોડવામાં આવે તો તેનું સારું પરિણામ આવે. મારો આ વિચાર મેં શ્રી રાજકુમાર જૈને મુંબઇ મારે ત્યાં ઊતરેલા ત્યારે તેમની સમક્ષ રજૂ કર્યો અને કહ્યું હતું કે, પૂજય મૃગાવતીશ્રીજીને અને તમને યોગ્ય લાગે અને બધા જ ટ્રસ્ટીઓને આ પ્રસ્તાવ કબૂલ હોય તો આ બાબતમાં આગળ વિચાર કરું કે જેથી એ સંસ્થા વલ્લભ સ્મારકના પટાંગણમાં સ્થપાય.
૩૬
મહત્તરા થી મગાવતીથી
