________________
આગળ ધપાવવાના કાર્યોને તેઓ વેગ આપી શકે. તેમણે મને ફેથ હિલર મોકલવા માટે મારા અતિ આગ્રહને વશ થઇ હા તો પાડી પણ મને અંદરથી થતું હતું કે, ફેથ હિલર દિલ્હી મોકલવાનું નકકી થશે તે પહેલાં જ તેઓ કદાચ ના પાડશે. | અને થયું પણ એમ જ. એટલે ફેથ હિલરનો મારો પ્રયોગ શકય ન બન્યો.
ખેર, બનવાકાળ બની ગયું. પરંતુ એમના આયુષ્યના અંતિમ છ-સાત સપ્તાહના સમયમાં એમની સેવા કરવાનો લાભ મને ન મળ્યો. વળી એમના સમાધિદર્શનથી પણ હું વંચિત રહ્યો. એમના અંતિમ કાળ અને દેહવિલય સમયે પણ સંજોગવશાત હું હાજર ન રહી શક્યો. તેનો મને અભાગીને અત્યંત વસવસો હમેશાં રહેશે.
- પૂજય મહત્તરાજીનું જીવન તો મંગલમય હતું, પણ એમના અંતિમ કાળના સમયની જે વાત સાંભળી છે અને દશ્યો, ફોટો વગેરે દ્વારા જે જોવા પામ્યો છું તે પરથી એમ લાગે છે કે, એમનું અંતિમ પ્રયાણ પણ મહામંગળમય હતું.
પૂજય મહત્તરાજી સ્મારકનું કામ તથા ગુરુ વલ્લભના આદેશથી જે સમાજોધ્ધારનું કામ આગળ ધપાવતાં હતાં તે કામ તેમના આશીર્વાદથી એમની શિષ્યાઓ પરમ પૂજય સાધ્વી શ્રી સુત્રતાશ્રીજી, સુયશાશ્રીજી અને સુપ્રશાશ્રીજીની નિશ્રામાં એમના ભકતજનો આગળ વધારશે એ જ આશા અને અભ્યર્થના છે. - વલ્લભ સ્મારક એ સાચા જ્ઞાનનું સીમાચિહ્ન રૂપ મહત્તમ ઉદાહરણ બની રહેશે. સમગ્ર દુનિયાને જ્ઞાનનો પ્રકાશ આપશે અને વિનાશ તરફ ધસી રહેલી દુનિયાને સાચો માર્ગ બતાવશે. એટલું જ નહિ, ડહાપણભર્યા અને એક સૂત્રતાવાળા વાતાવરણમાં દુનિયા ટકી રહે એ માટે પ્રેરણા આપતું રહેશે. સ્મારકનું આ ધ્યેય પાર પડે એ માટે આપણે સૌ સતત
પ્રયત્નશીલ રહીએ. | | આપણી સાચી શ્રદ્ધાંજલિ તો એ જ કહેવાય છે કે, મહત્તરાએ ચીંધેલાં કાર્યોને આગળ વધારીએ અને એમણે | Tદર્શાવેલી આચારસંહિતાને જીવનમાં ઉતારીએ.
૩૮
મહત્તરા શ્રી મૃગાવતીશ્રીજી
