________________
Ca
કાળધર્મના બે દિવસ અગાઉ ૧૬મી જુલાઇએ મને ખાસ અંદર બોલાવી કહ્યું કે, આ જ્ઞાનભંડારના કામ માટે એક વર્ષ સેવા આપો.... મેં મારી કેટલીક તકલીફો બતાવી, વળી કહ્યું કે, ‘સૂચિપત્રનું કામ તો આપની શિષ્યાઓના હાથે પૂરું થવા જ આવ્યું છે. છતાં પણ મારા સહકારની જરૂર પડશે તો હું આપીશ. આપને બોલતાં પણ શ્વાસ ચડે છે. તે સંયોગોમાં આવી વાતોમાં શ્રમ લો છો તે ઉચિત નથી.'
આજે મને લાગે છે કે, તેઓશ્રી તે વખતે પુસ્તકભંડારના કામની મને ભલામણ કરી રહ્યાં હતાં. આ પ્રસંગથી ફલિત થાય છે કે, તેઓશ્રી છેલ્લા શ્વાસ લઇ રહ્યાં હતાં તે વખતે પણ તેમના ચિત્તમાં સ્મારક અને તેના જ્ઞાનભંડારની વિચારણા ચાલુ હતી.
તેઓશ્રી સ્વભાવે આનંદી હતાં. જીવનની અંતિમ પળ સુધી સમતા સાચવી શકયાં હતાં. ધન્ય જીવન જીવી ગયેલાં પૂજય મહત્તરાજીને શત શત વંદના!
મહત્તરા શ્રી મૃગાવતીશ્રીજી
૬૩
