________________
- મને યાદ છે કે, વલ્લભ સ્મારકમાં એમણે પ્રાચીન હસ્તપ્રતોને કેટલી કાળજીથી સાચવી હતી અને પોતાની દેખરેખ હેઠળ વર્ગીકરણ કરાવ્યું હતું. જયારે હું ત્યાં ગયો ત્યારે કોઈ અલૌકિક વાત્સલ્યભાવથી એમણે મને અલગ અલગ અલમારીઓમાં ગોઠવેલી હસ્તપ્રતો બતાવી હતી. આ કાર્યમાં એમણે પોતાની શિષ્યાઓને ઉત્કૃષ્ટ તાલીમ અપાવી અને પ્રેરણા આપી.
વલ્લભ સ્મારક મૃગાવતીજી મહારાજના કર્મઠ જીવનની એક શ્રેષ્ઠ ઉપલબ્ધિ છે, જે સદાય આપણને એમના વ્યકિતત્વ અને કૃતિત્વની યાદ અપાવતું રહેશે. અહીંની ભૂમિના કણેકણમાં,ભવન અને ખંડખંડમાં, મૂર્તિ અને સર્વ વસ્તુઓમાં એમની આધ્યાત્મિક સાધના અને કાર્યકુશળતાનાં દર્શન થતાં રહેશે. - મહરરાજીનું વ્યકિતત્વ એક ઐતિહાસિક ક્રાંતિદર્શી અને સુવર્ણસંપન્ન વ્યકિતત્વ હતું. તેઓ પ્રેરણાના અનન્ય અને અક્ષય સ્ત્રોત હતાં. એમનું જીવન અને દેહાવસાન ચૈતન્યની યાત્રાનો પ્રમાણ- પુંજ છે. એમની સિદ્ધિઓ અને સિદ્ધિઓની અસીમ સંભાવનાઓ સમાજના માનસમાં એક કીર્તિમંદિરના રૂપમાં ચિરસ્થાયી થઈ ગઈ છે. હું પરમ શ્રદ્ધેયા મહત્તરાજીને શ્રદ્ધાંજલિ અર્પિત કરું છું અને એમણે આપેલ પ્રેરણા અને સંકલ્પોને સમાજની અમૂલ્ય, અવિસ્મરણીય અને પવિત્ર મૂડી સમજું છું.
४८
મહત્તરા શ્રી મૃગાવતીશ્રીજી
