________________
| * પોતાના ભકતો પ્રત્યે જે વાત્સલ્ય એમનામાં હતું તે તો એમની અનુપમ દેણગી છે. સદાય હસતા ચહેરાનો એટલો પ્રભાવ હતો કે, એમની વાતને કોઇ ટાળી નહોતું શકતું. કોઈને પણ ઉપદેશ આપવો હોય અને એની પાસેથી કંઈ કરાવવું હોય તો તે માટે એમની પોતાની જ નોખી પધ્ધતિ હતી. સામેની વ્યકિત કેટલું કરી શકશે તે જાણ્યા બાદ જ વાત કરવી એ એમનો સ્વભાવ હતો. બાળકો સાથે બાલભાવથી, વાત્સલ્યથી વાતો કરવી એમની પ્રક્રિયા હતી. મોટેરાંઓ સાથે પણ પ્રેમભાવથી વાતો કરતાં હતાં. નાની કે મોટી ભાગ્યે જ કોઈ વ્યકિત એવી મળે જેણે એમની વાત સ્વીકારી ન હોય.. - કોઈ મોટું કાર્ય કર્યા પછી પણ પોતાના અહંકારોને પુષ્ટ કર્યા વગર યશની વહેંચણી કરવી એ એમનો સ્વભાવ હતો. કાંગડા જેવા તીર્થનો ઉદ્ધાર કર્યા પછી પણ પોતે કંઈક કર્યું છે એવો અહંભાવ એમણે કદી નહોતો દેખાડયો. અન્ય કોઈ હોય તો આ વાતને ફરી ફરી ગાઈ વગાડીને જાહેર કરતાં થાકે જ નહિ, પરંતુ મેં તો એક વખત પણ આવા મહત્તમ કાર્યની વાત એમના મોઢે સાંભળી નથી. મારે માટે તો આ આશ્ચર્યની જ વાત છે.
સામાજિક અને ધાર્મિક સુધારણાનાં કાર્યો કરતાં કરતાં પણ પોતાના નિત્યક્રમનાં ધ્યાન અને સ્વાધ્યાયને એમણે કયારેય અનિયમિત ન બનાવ્યાં. પોતાના આત્માની પ્રાપ્તિનું ધ્યેય એમણે કદી છોડયું ન હતું, તે એમના અંતિમ દિવસોની જીવનચર્યા જોઇ સાંભળી કહી શકાય એમ છે.
પૂજય મહત્તરાજીની સૌથી મોટી વિશેષતા એ હતી કે, તેઓ શ્વેતામ્બર મૂર્તિપૂજક સંપ્રદાયનાં એક સાધ્વી હતાં, છતાં એમનામાં કોઇ સાંપ્રદાયિક સંકુચિત ભાવ નહોતો. એમના ભકતોમાં બધા ધર્મો અને સંપ્રદાયના લોકો હતા. - પૂજય મહત્તરાજીને સાચી શ્રદ્ધાંજલિ એ જ હશે કે, એમણે શરૂ કરેલ કાર્યોને આપણે સૌ સુચારુ રીતે પૂરાં કરીએ. મને વિશ્વાસ છે કે, વલ્લભ સ્મારકનું કાર્ય જેમના હાથમાં છે તે અવશ્ય પૂરું થશે. • પૂજય મહત્તરાજીએ પોતાની શિષ્યાઓને એટલું સારું શિક્ષણ આપ્યું છે કે, તેઓ પણ ભવિષ્યમાં એમનું સ્થાન લેશે એવી આશા છે.
પ્રભુ મહત્તરાજના આત્માને શાંતિ આપે
મહત્તરા શ્રી મૃગાવતીશ્રીજી
